رنا

وفتحها ولكنه تفاجئ بوجود رنا فيها فقال بأقتضاب ايه الى مقعدك هنا 
رنا بخفوت مستنياك 
حمزه ليه فى حاجه 
رنا حمزه لازم نتكلم 
حمزه لو هتتكلمى ف الموضوع اياه يبقى ماتتكلميش 
رنا لأ هتكلم هتكلم ياحمزه عشان انا تعبت 
حمزه ماتعليش صوتك 
رنا آسفه 
حمزه ياله روحى عشان عايز انام
أقتربت رنا منه وأمسكت بذراعيه ونظرت له ودموعها تنهمر على وجنتيها بشده حمزه ... انا مش مستحمله انك تفضل زعلان منى .. حمزه انا حاسه انى بمۏت 
حمزه.........
رنا حمزه ... ياحمزه .. لو كان ده الى هيخليك مش زعلان منى بس ماتخاصمنيش ... حمزه انا مليش غيرك ف الدنيا دى عشان خاطرى ياحمزه كلمنى 
لف حمزه وجه الى الجه الأخرى تركت رنا ذراعه وأدارت وجه اليه ووضعت يديها على وجنتيها وقالت وهى تبكى بشده ياحمزه ... بس ماتخاصمنيش
وهنا لم يتحمل حمزه فصاح بس اسكتى 
وسحبها من ذراعيها الى فاڼفجرت بالبكاء وتعالت شهقاتها 
حمزه وهو يربت على شعرها هششششش بس بطلى عياط ياحبيبتى 
رنا وهى بين ذراعيه حبيبتك انا لسه حبيبتك 
حمزه طبعا حبيبتى تبقى عبيطه لو فكرتى انك مش حبيبتى ... تعالى
أخذها من يديها وجلس على السرير وجلس بجانبها وقال رنا انا خاېف عليكى انتى ماتعرفيش انا لما دخلت عليكى لما كنا ف اسيوط ولقيتك مغمى عليكى حصلى ايه ... لحظه مش عايز افتكرها افتكرت للحظه ان انتى انتى ...... سحب نفسا وقال خلاص مش عايز افتكر
رنا يعنى انت بس خاېف عليه مش مش عايز تخلف منى 
حمزه ازاى تقولى كده انا عايز طبعا يبقالى ولاد بس لو للحظه الطفل ده ممكن يكون على حساب صحتك مش عايزه 
وهنا وضعت رنا أصبعها على شفتيها وقالت ماتقولش كده ده هدية ربنا لينا وصدقنى
انا كويسه وهبقى احسن طول ما الحته الى جوايه الى منك دى بتكبر وانت هتكون معايه صح
تنهد حمزه وقال صح
رنا سامحتنى ياحمزه 
حمزه سامحتك يا رنا بس دى آخر مره تعملى حاجه من ورايه 
رنا حاضر اخر مره والله ياله بئه قوم معايه عشان تنام جمبى 
حمزه ماشى ياستى 
رنا وهتروح معايه بكره للدكتوره 
سكت قليلا فحثته قائله ها 
حمزه حاضر ياستى موافق
رنا بشده وهى تقول ياحبيبى ياحمزه 
فى اليوم التالى فى عيادة الطبيبه النسائيه دخل حمزه مع رنا ومعهم والدته 
الطبيبه اتفضلى يا مدام رنا اطلعى على السرير نعمل سونار الاول وبعدين نشوف تحاليلك فيها ايه
صعدت رنا على السرير وجهزتها الممرضه لعمل السونار وبدأت الطبيبه بوضع الجهاز لتظهر صوره بالابيض والاسود على الشاشه صوره غير محددة الملامح وهنا قالت الطبيبه ماشاء الله يا مدام رنا حضرتك حامل فى تؤام
وهنا قال حمزه ورنا فى نفس واحد تؤااااام !!!!!!
الحلقه الثانيية والعشرون
تؤاااام
هتف حمزه ورنا فى نفس الوقت تؤااام 
الطبيبه اه تؤااام ... باين عندى كيسين يعنى طفلين
فتح حمزه فمه وأغلقه كأنه سمكه أخرجوها من المياه ولاتستطيع التنفس ورنا نظرت الى الشاشه وكأنها تنتظر ان تخبرها بشئ آخر الوحيده زينب هى من تجاوزت الصدمه وصاحت بفرح تؤااام يا ألف نهار ابييض يا الف نهار مبروك ... اسم عليك يابن بطنى مبروك يامرات ابنى
حمزه وهو يحاول
ان يتجاوز صډمته وينظر لرنا التى لم تكن اقل منه صډمه مبروك 
رنا بخفوت الله يبارك فيكى 
الطبيبه طب قومى أعدلى هدوك ونشوف تحاليلك 
رنا حاضر 
ساعدتها الممرضه على مسح السائل اللزج الذى يستخدم لعمل الأشعه وعندما همت بمسك يديها لتساعدها على الجلوس قال حمزه شكرا سبيها انا هساعدها 
أمسك حمزه بيد رنا وساعدها على الوقوف 
وقفت رنا تعدل ملابسها دون ان تجرأ ان ترفع عيونها الى عينيى حمزه وعندما تجرأت ورفعتهم وجدت فى
عيونه نظره غريبه لم تستطيع ان تفسرها فقالت بصوت منخفض حمزه انت زعلان 
حمزه مش عارف ... مش عارف المفروض ازعل ولا أفرح بس الى عارفه ومتأكد منه انى عايز اطمن عليكى انتى وبعدها اقرر افرح او ازعل 
أبتسمت رنا وقالت انا كويسه والله ماتقلقش عليه 
تنهد حمزه وقال مش انتى الى هتقررى ... تعالى نشوف الدكتوره
أمسك حمزه بيدى رنا وقادها بأتجاه المكتب حيث جلست الطبيبه وراء المكتب ووضعت نظارتها الخاصه بالقراءه وبدأت تقرأ فى تقارير حالة رنا
حمزه ها يا دكتوره طمنينى
تنهدت الطبيبه وخلعت نظارتها وقالت بداية انا عرفت ان مدام رنا كانت حامل واجهضت من فتره صغيره صح
حمزه صح من اكتر من ٣شهور تقريبا 
الطبيبه تمام كان سبب الاجهاض ده حالة الضعف العام اى عند مدام رنا والى الواضح من تقاريرها انها لسه بتعانى منها وماتعالجتش
حمزه ممكن من فضلك تعرفينى حالة مراتى ايه من غير مقدمات
الطبيبه بص يا أستاذ حمزه مدام رنا عندها نسبة أنيميا شدييده جدا 
وهنا تدخلت زينب قائله نأكلها عسل أسود وبتجان 
حمزه أمى ... ممكن تخلى الدكتوره تكمل
الطبيبه الحاجه بتتكلم صح الانيميا ممكن تتعالج بالأكل والفيتامينات. وممكن لو ده ما رفعش نسبة الهيموجلبين نلجأ لللمحاليل فدى مش المشكله خالص
رنا امال ايه المشكله يادكتوره 
الطبيبه حضرتك عندك ضعف فى الأوعييه الدمويه وده بيسبب الڼزيف يعنى امكانية حدوث الاجهاض عند حضرتك اكبرمن نسبة أكتمال الحمل
وهنا هتفت زينب فال الله ولا فالك يا دكتوره تفى من بؤك
الطبيبه ياحاجه انا بقول على حالة مدام رنا بكل صراحه عشان ناخد بالنا
تنحنح حمزه وقال بصوت متحشرج طيب انا ممكن اعرف ايه العلاج ولا .. هو مفيش علاج
الطبيبه لأ ان شاء الله فيه علاج خليك حضرتك متفائل حالة مدام رنا مش خطيره وف نفس الوقت نقدر نقول انها مش بسيطه 
حمزه ممكن حضرتك توضحى 
الطبيبه يعنى مدام رنا تلتزم بأدويتها وتلتزم بالاهم وهى الراحه التامه وبكرر الراحه ثم الراحه ... مفيش مجهود مفيش سفر مفيش شيل حاجه تقيله وياريت
زينب ولا يهمك يا دكتوره كل الى هتقولى نافذ لا هتروح ولا هتيجى ولا هخليها تقوم من مكانها وان كان على حمزه فالتفتت لها وقالت. يهمد شويه بئه
صاح حمزه وقال أمى 
زينب بلا أمى بلا بتاع مش كله عشان مصلحتها 
الټفت حمزه الى الطبيبه وقال ممكن افهم نسبة خطۏرة ان الحمل ده يفضل هيأثرعلى حياتها او صحتها 
الطبيبه الحاجات دى مقدرش اجزم بيها ممكن فى لحظه الطفل لا قدر الله ينزل ويحصل أجهاض وبعدها يحصل ڼزيف شديد 
حمزه خلاص يبقى بلاش منه الحمل ده خالص حضرتك ممكن تنزليها
وهنا صاحت رنا التى كانت منذ بداية كلام الطبيبه جالسه صامته ولا تتحدث وتتنقل بنظرها بينهم ولكن ما ان سمعت كلام حمزه عن انها يريد اجهاض الطفل حتى صاحت لأ .... واحاطت بطنها بذراعيها وكأنها تحميهم لأ ياحمزه مش هنزلهم
الطبيبه ومين سمح اننا
نعمل كده والتفتت الى حمزه وقالت مع احترامى لحضرتك بس احنا عدينا الاربعين يوم يعنى هما خلاص بئه فيهم روح وان استحاله اقتل روح وفى حالة مدام رنا دول روحين 
حمزه فى حالات يا دكتوره الاجهاض بيكون فيها حلال عشان صحة الام
الطبيبه لما يكون الاجهاض هو الحل لكن حضرتك تضمن ان وقت الاجهاض مايحصلش ڼزيف وده احتمال وارد
وهنا وقف حمزه وقال پغضب انا مش فاهم ومش عايز افهم كل الى انا عارفه حاجه واحده بس انى مش عايز الولاد دول ومش عايز اعرضها لنسبة خطړ ولا واحد ف الميه
الطبيبه ممكن حضرتك تهدى وتقعد عشان نعرف نتفاهم
زفر حمزه حانقا ثم جلس على الكرسى ونظر لرنا التى كانت تبكى فالتف الى الطبيبه وقال حضرتك تقدرى تقولى لى ايه الحل
الطبيبه الحل بسيط الحمل هيكمل بأذن الله
زينب ينصر دينك يا دكتوره 
وهنا نظر لها حمزه پغضب والتف الى الطبيبه وقال وبعدين 
الطبيبه مفيش هنمشى على التعليمات الى قلناها ده زائد الغذا الكويس والبعد عن اى تتوتر نفسى او عصبى وبأذن الله الحمل هيكمل من غير مشاكل
حمزه يعنى كان
فيه حالات زيها والحمل كمل والام بقيت كويسه 
الطبيبه اه طبعا كتير بس لازم تلتزم بالتعليمات وتاخد الدوا فى مواعيده واشوفها كمان شهر من دلوقتى تكون عدينا التلات شهور وهنعيد التحاليل تانى وان شاء الله نكون عدينا مرحلة الخطړ
تنهد حمزه وقال ان شاء الله ماشى يا دكتوره احنا خدنا من وقت حضرتك كتير 
الطبيبه مبتسمه لا ابدا ان شاء الله المدام هتقوم
بالف سلامه ولو حصل اى حاجه رقمى معاكى يا مدام رنا وكلمينى ف اى وقت 
رنا حاضر 
الطبيبه مش هوصيكى على ادويتك والغذا وانا كتبتلك حاجه عشان الترجيع والدوخه 
زينب اه يا دكتوره الله يسترك لحسن مفيش لقمه بتثبت فى بطنها 
الطبيبه هانت ياحاجه كلها تلت شهور وشهور الوحم تخلص
خرجوا من عيادة الطبيبه وركبوا سيارتهم وطوال الطريق كان حمزه صامت ويرمق رنا فى المرآه وهى جالسه بالخلف بنظرات قلقه
وصلوا الى المنزل ورفض حمزه عرض والدته للعشاء ولكنها أصرت انها ستعد لهم صينية عشاء وستوصلها لهم الى غرفتهم
حمزه حاضر يا أمى عقبال ماتحضرى هنكون غيرنا هدومنا ياله يا رنا
رنا ماشى
سبقتها رنا الى الغرفه عندما نادته امه وقالت له تعالى يا حمزه هقولك حاجه
حمزه نعم يا أمى 
زينب حمزه ماتنساش كلام الدكتوره اهدى على نفسك اليومين دول يابنى احنا ماصدقنا واديك سمعت البت ضعيفه وماتستحملش 
نظر لها حمزه پغضب وقال وهو يجز على أسنانه حاضر يا امى ... حاضر حاجه تانيه 
زينب وهى تربت على كتفيه لا ياحبيبى روحى يا ضنايه ربنا يقومهالك بالسلامه وتشوف عبيتها سليمه يارب 
حمزه يارب يا أمى يارب
دخل حمزه الغرفه فوجد رنا بدلت ملابسها وجالسه على السرير فأقترب منها وأمسك بيديها وقال عمل ايه 
رفعت رنا نظرها الى حمزه وقالت انا كويسه يا حمزه والله كويسه اطمن
تنهد حمزه وقال يارب دايما 
رنا مالك ياحمزه من ساعة ما خرجنا من عند الدكتوره وانت ساكت فى ايه 
حمزه يعنى انتى ماسمعتيش هى قالت ايه 
رنا ماتخافش ياحمزه انا هسمع كلامها ومش هجهد نفسى وان شاء الله مش هيحص حاجه
نظر لها حمزه وقال ان شاء الله 
رنا بابتسامه طب انا مش عايزه اشوف النظره دى ف عينك عايزاك تبقى مبسوط .... وأمسكت بيديه ووضعتها على بطنها وقالت هنا فى حته منى ومنك .. لأ مش حته واحده دول اتنين 
نظر لها حمزه بابتسامه اه اتنين عشان تعرفى بس ان حمزه الانصارى مش زى اى حد الطلعه عنده باتنين 
أبتسمت رنا بخجل فقال لها هو فى حامل تتكسف احنا أتفضحنا يارنا امى ڤضحتنا أهمد ياحمزه أهمد ياحمزه لما شكلى مش هتقوم لى قومه الحمد لله انهم تؤام عشان شكل مفيش غيرهم
لم تتمالك نفسها رنا فقهقهت ضاحكه بشده بصوت عالى وشاركها حمزه ولم يقاطعهم الا صوت طرقات غاضبه على الباب وزينب تنادى پغضب حمزه 
رفع حمزه حاجبيه وقال شفتى اهى دلوقتى تقولى اهمد 
كتمت رنا ضحكتها بيديها وقالت روح افتح بسرعه 
حمزه حاضر هفتح واسمع الكلمتين
مرت الايام ومر الشهر التالت وزارت رنا الطبيبه التى طمأنتها جزئيا