عمو عزت

كامله
حكايه مروه
انا اسمي مروه انا البنت الوحيده لابويا وامي مخلفوش غيري .. كنا عايشين حياه سعيده ومستقره لكن دوام الحال من المحال فجاه وانا عندي ١٠سنين ابويا ټوفي 
طبعا كانت صډمه كبيره ليا ولامي. .. وفضلنا فتره طويله علي مقدرنا نتعود علي الحياه بعد بابا ..طبعا معاش بابا كان يادوب مكفينا لانه ماټ في سن صغير بس ماما عمرها ما اتاخرت عني في اي حاجه اطلبها

واضطرت تنزل تشتغل علشان تزود دخلنا 
ماما لسه صغيره وجميله .. 
لما بقي عندي١٢سنه لقيت ماما في يوم بتقول لي معرفش هتفهمي كلامي ولا ايه بس الي لازم تعرفيه انك اغلي حد عندي في الدنيا وان عمري ما هعمل حاجه تضايقك 
بس انا زي اي ست محتاجه لراجل جنبي في حياتي اتسند عليه وبصراحه في واحد زميلي في الشغل طلب يتجوزني وعارف ظروفي كلها وعارف ان عندي بنت وانا مش شايفه فيه عيب وانتي ممكن تعتبريه في مقام ابوكي الله يرحمه.. انا كنت حاسه بيها ومتفهمه ظروفها ومزعلتش ولا اتضايقت وقولت لها انتي من حقك تتجوزي وتعيشي حياتك .. بس اهم حاجه انك متسيبينيش 
قالت لي مستحيل اسيبك ده انتي بنتي واغلي حد عندي
وفعلا ماما عرفتني علي عزت زميلها في الشغل وكان شكله كويس واكبر منها بكام سنه يعني سنه مش كبير لقيته طيب وكلامه حلو وشكله شيك وعرفت من ماما انه غني .. 
وفعلا ماما وعمو عزت اتخطبو وبعد شهر كتبو الكتاب وجه عمو عزت يعيش معانا في البيت..
وبعد ست شهور لقيناه عامل لنا مفاجاه انه اشتري شقه وجهزها وعايزنا نتنقل نعيش فيها ونسيب شقتنا القديمه او نبيعها براحتنا .. بصراحه انا وماما كنا مبسوطين جدا معاه.. واتنقلنا للشقه الجديده وكانت جميله وواسعه وفي حي راقي وعمو عزت فارشها فرش شيك جدا
وعامل لي اوضه جميله بحمام مستقل .. كان بيعاملني معامله حلوه جدا ودايما يجيب لي هدايا وعمري ما حسيت انه جوز 
ام زي الي بنسمع عنهم..
بعد سنه ماما بقت حامل وانا فرحت جدا ان هيكون ليا اخ او اخت..