احببت نفسى

سرحانة ومبتسمة كده يبقى بتفكرى فى حبيبك
ممكن أقعد 
البيت بيتك
تسلميلي
ضحكت البيت بيتك بالمعنى الحرفي
يا ستى مش مشكلة ...ها قوليلى قاعدة مع نفسك وسيباهم ليه
عايز الصراحة 
قولى
كنت براجع كلامك بتاع امبارح
يا راجل 
الصراحة حسيتك معاك حق فى نص الكلام التانى
اممم هعمل نفسى ماسمعتش ...تيجى أفرجك الأرض 
تعالى
قومنا ركبنا العربية بتاعته ووصلنا عند الأرض ال هي أصلا شغلى ..
ما شاء الله كبيرة
ايوا
نفسكوا تزرعوها ايه 
ان جيت للحق أنا كنت ناوى أبنى عليها بس بابا سبقنى وباعها
انت رجعت مصر ليه 
عشان استقر
تتجوز وتقعد يعنى 
اها
طب ومستنى ايه 
الصراحة مستنى بنت الحلال
طب ما تخلى عمى يرشحلك واحدة
ماهو ده ال حصل فعلا وكمان كلمنا باباها
وبعدين 
رفضت
اى ده ليه
ابتسم وبصلى بتقول مش مستعدة
اى ده لحظة كده !
اټصدمت اوعى يكون...
ضحك ايوا أنا ال كنت متقدملك
لا بتهزر
والله مش بهزر
أنا اتحرجت على فكرة
مش بقول كده عشان أحرجك انتى سألتى وأنا جاوبت
انت زعلت
أكيد لأ ومين عارف مش يمكن لو كنتى وافقتى عليا أنا ال كنت أرفضك
نعم !
ضحك أنا بقول يمكن
ايوا كده
قعد على الأرض فى وسط الرملة ف أنا بصيتله باستغراب
بتبصى كده ليه 
احنا مش هنروح 
عايز أقعد شوية
طب مش هتروحنى
أقعدى معايا أنا مش مدايق
قعدت على الأرض زيه وأنا قرفانة من المكان
ضحك لو عايزة تمشى هروحك
عادى خلينى معاك
أوعدك هخليكى معايا
ضحكت انت قلبت عميق كده ليه 
لا بس الجملة عجبتنى أصل فى العادة البطلة بتقول للبطل خليك معايا مش خلينى معاك
مش لما نكون أنا وأنت الأبطال فعلا
غمز عادى محدش يعرف بكره فى ايه 
ضحكت قوم روحنى
قومى يا قاطعة المتع
بقالى شهر شغالة مع عمى ولأول مره مش حاسة إنه عقاپ ....يمكن وجوده المستمر كل يوم مخلى حياتى شبه الفيلم ...
كل يوم نقاش جديد بينتهى بغمزة منه مع شوية غزل بطريقة غير مباشرة ...
كل يوم بيحسسنى إن حياتى مكانتش حياة قبل ما يدخلها .....
أنا فاهمة نظراته ليا وفاهمة تلميحاته كويس بس خلينا متفقين إنى لسة ماتخلصتش من أكتر فكرة تعبانى ومشقلبة حياتى ..
هو فعلا بابا مش بيحبنى !
لبست هدومى ونزلت زى كل يوم بس الغريب إنه مكانش قاعد على السفرة معاهم ..
خلصت فطار وخرجت الجنينة وفجأة..
ياسمين
بابا ! انت بتعمل ايه هنا
قرب بسرعة عليا وعينه كلها لهفة ..
خدنى فى حضنه بسرعة وهو بيتكلم ..
انتى كويسة يا ياسمين مالك يا بنتى
أنا كويسة فى ايه 
أنا ال كلمت عمى وقولتله إنك تعبتى أوى امبارح
خلص كلامه وغمز ف أنا فهمت وهو بيعمل ايه !
ابتسمت أنا كويسة يا بابا تعبت شوية بس بقيت أحسن
طب اطلعى حضرى شنطتك عشان هنمشى
أنا ماخلصتش شغل
مش مهم ..
كمل كلام وهو بياخدنى فى حضنه وصوته شايل كل الحب ال فى العالم
أنا مش هستحمل حاجة ټأذى شعرة منك ...مش هستحمل تتعبى وانتى بعيدة عنى أنا مش هستحمل تتعبى أصلا ..
فى لحظة حسيت بشعور غريب أوى عليا ..حسيت إن قلبى منور ..
بعدت عنه وانا دموعى بتنزل من عينى ..
ده بجد 
دموعه نزلت انتى بتسألى يا ياسمين ...هو أنا بتعب عشان مين غيرك يابنتى ...أنا كل ال بتمناه من ربنا إنى أشوفك مبسوطة مبسوطة وبس ...كل حاجة بعملها عشان مصلحتك ..عشان بكون خاېف عليكى...وأنا ليا مين غيرك أخاف عليه يا ياسمين!
من غير لا رغي ولا عتاب ولا أى حاجة دخلت فى حضنه وانا بعيط ....
حسيت بايده بطبطب على صخرة بحب وهو بيهدنى ...
طب ما ايه الجديد 
من وانا صغيرة ومين ال بيمسح دموعى ..
مين ال بيطبطب عليا 
وقت ما دموعى كانت بتنزل مين ال قالى اوعى تعيطى طول ما أنا عايش ...!
إجابة سهلة أوى مكونة من كلمة واحدة مكونة من أربع حروف وهى ...بابا !
عمر ما فى أب بيكره ولاده ...عمر ما فى