احببت نفسى
المحتويات
وكده ف بيحتاجونى وأنا باجى
حلو أوى
أنا أصلا شغالة فى الإصلاح الزراعي لكن باجى هنا لما بتعاقب
تتعاقبى
ايوا ...مش واخد بالك انى باجى هنا لأسباب عبيطة جدا لكن أنا أصلا بابا بيبعتنى لما ما اسمعش الكلام
والمرادى بقا ماسمعتيش الكلام برضو
ايوا
الصراحة فضولى هيقتلنى
ضحكت موضوع مش مثير أوى على فكرة
اومال
باباك كان جايبلى عريس وبابا كان مصمم بس أنا رفضت
ماشفتهوش
ازاى يعنى
يعنى لا شوفته ولا قابلته ولا أعرف عنه حاجة
وده ينفع برضو يا ياسمين
أنا مش مستعدة دلوقتي..مش هينفع أدخل فى أى علاقة دلوقتي
ليه ماشاء الله متخرجة وبتشتغلى وسنك كويس
مش حوار كده
اومال حوار ايه
زى ما قولتلك مش مستعدة
ايوا من جهة ايه
من جهتى أنا
انتى فى حاجة مخوفاكى من الموضوع ككل
زي
زي انى عمرى ما اخترت أى حاجة فى حياتى ...دايما أهلى بيسبقونى فى اتخاذ أى قرار ...عمرى ما اخترت حاجة لوحدى
وايه علاقة ده بالجواز
أنا لسة جيالك فى الكلام
كملى
أنا طول عمرى بحاول أفرح ماما وبابا دخلت الكلية دى بإرادتهم واشتغلت الشغل ده بإرادتهم.....أنا حاسة انى موجودة بس عشان أنفذ أوامر بابا ..أنا بابا مش بيحبنى
للاسف المرادى حصلت
وأنا بقولك مستحيل
هو انت ال عايش معاهم ولا أنا
انتى بس كلامك ده كله عبارة عن سوء تفاهم
سوء تفاهم
ايوا باباكى بيحبك وانا واثق من ده
والله
بصى أنا مش بعرف أوضح أوى بس كل ال أقدر أقولهولك إن أكتر إنسان بيحبك وعارف مصلحتك هو باباكى
ايوا ما ال مايعرفش يقول أى حاجة
اومال ايه موضوعنا
قوليلي برضو فين مشكلتك
اتنهدت أنا إنسانة كئيبة ومملة ..أنا مانجحتش فى انى أحبب أهلى فيا ..تفتكر ممكن راجل غريب يحبنى إذا كان بابا مش متقبلنى
انتى معاكى حق
منا عارفة
لا لا ماقصدش كل العبط ال انتى لسة قايلاه ده
بصيتله باستغراب وسكت ف هو كمل كلام
انتى كان معاكى حق لما قولتى ان المشكلة من جهتك انتى
يعنى انتى مشكلة نفسك يا ياسمين
وضح أكتر من فضلك
انتى ال واهمة نفسك بكل ده ....انتى ال شايفة نفسك كده مع إن كلامك مش صح أصلا
انت مش أنا عشان تحكم
ماهو عشان أنا مش انتى قادر أحكم ...ما شاء الله زى القمر وضحكتك جميلة أوى.....ناجحة جدا فى شغلك ال انتى بتقولى انك مجبورة عليه وبعدين مش واخدة بالك من حاجة
انتى اسمك ياسمين وخريجة زراعة شوفى القدر
ضحكت يا جدع !
ابتسم اقفى قدام المرايا وقولى لنفسك انك جميلة أوى عشان دى حقيقة.....حبى نفسك هتلاقى الناس كلها بتحبك
صحيت من النوم صليت ولبست عشان أنزل ....
بمجرد ما وقفت قدام المرايا عشان ألف الطرحة افتكرت الحوار ال كان بينى وبينه ...
ابتسمت لنفسى فى المرايا وفضلت واقفة بتأملنى....
حقيقى أنا ملامحى جميلة زى ما هو قال ...ضحكتى جميلة وعيونى جميلة و كل حاجة فيا جميلة ..
مش من حقى ولا من حق أى حد إنه يعجب بنفسه عشان شكله حلو لإن ببساطة مش احنا ال اخترنا ملامحنا ولا احنا ال صنعناها ...ومع ذلك عمر ما إنسان بيكون جميل من برا قبل ما يكون جميل من جوا ....يعنى حتى لو واحدة شبه القمر بس مش كويسة من جواها أول ما بنشوفها إحساس جوانا مش بيستريحلها أو على الأقل بنقول ډمها تقيل ...
جمال الشكل نعمة من عند ربنا بس جمال الاخلاق والروح وحتى جمال اللسان نعم أكبر بكتير من جمال الشكل فلو أنا جميلة فأنا جميلة بكونى ياسمين ال فعلا شبه الياسمين ....
لفيت الحجاب وحطيت ميك اب خفيف وابتسمتلى ..
ازاى هعوز حد يحبنى وأنا مش متقبلة نفسى
ازاى هستنى فارس أحلام وأنا مش شايفة نفسى أميرة
سواء أنا كنت إنسانة لطيفة أوى حتى إنسانة فيها عيوب ...أنا هحبنى وهحب الدنيا عشان هى كمان تبادلنى نفس المشاعر ..
قاعدة
متابعة القراءة
