حب طفوله

لو سمحت ممكن تركب التوكتوك التانى وانا هركب دا .
اشمعنا يا آنسه.
بتوتر وإحراج ااصل انا عارفه دا لانه كان معايا فى المدرسه وهركب معاه وبخاف اركب مع ناس ماعرفهومش لانى لوحدى كمان ف لوسمحت يعنى تخلينى اركب دا .
تمام يا انسه نزل وركبت كل اللى دار قصاد عبدالله زميلى دا احيه انا مكسوفه دلوقت اعمل ايه ...
اتكلم رايحه فين .

بتوتر صحيح انا نسيت اقولك رايحه ....
تمام .
كان يوم ابيض يوم ماروحت المشوار دا لوحدى وكان الصبح بدرى وكنت متفقه مع ندى صاحبتى وانا اصلا بخاف اركب اى مواصله لوحدى ولان انا وندى اخر مره كنا راكبين سوا وكنا هنتخطف فحلفنا اننا بعد كدا نركب مع ناس نعرفهم ولو مفيش بنمشى احسن .
ابتسم وبص فى المرايا واتكلم قولتى ان انا زميلك فى المدرسه صح .
يكسوفى احم اه فى الابتدائى .
ابتسم وقال ولسه فكرانى .
يختاااى ياريت ارضيه التوكتوك تنشق وتبلعنى ما ه هو علشان شكلك ما اتغيرش بس انا اكيد اتغيرت .
فعلا البنات بتتغير انتى مين بقا
عزه إبراهيم .
اه عزه افتكرتك فعلا شكلك اتغير واحلويتى .
اتكسفت وسكتت.
هو ممكن اخد رقمك يعنى علشان لو عوزت اروح مشوار تانى ارن عليك .
ابتسم اه اتفضلى .
حفظت الرقم وقولتله شكرا ليك .
قالى عبدالله .
بتسرع عارفه .
ابتسم وقال 
انتى ليه بتخافى تركبى مع حد غريب .
ضحكت وقولت اصل قبل كدا كنت هتخطف انا وصحبتى وكان يوم استغفر الله يعنى .
ضحك وقال علشان كدا خلاص بعد كدا رنى عليا فى اى وقت وانا هوصلك للمكان اللى انتى عايزاه .
تسلم يا عبدالله .
وصلت وقبل ما انزل دفعت الاجره رفض ياخدها اتكلمت پغضب طفيفانت لو رفضت تاخدها والله ماهرن عليك وياله لما اتخطف تانى يبقى ذنبى عندك .
ضحك وانا حطيت الفلوس فى رف كدا والټفت علشان امشى نادى عليا ..
رجعت ليه وقولت نعم .
ابقى رنى عليا علشان ابقى اجى اخدك اوصلك .
ابتسم وقولت تمام هرن قبليها بعشر دقايق علشان لو معاك حد تعرف وتوصله وتيجى .
ابتسم تمام .
روحت اشتريت كام بلوزه على 2 بنطلون جينز وطرح تليق على الاطقم و رنيت على عبدالله وعرفته انا واقفه فين وهو قالى 5 دقايق وجاى .
عقبال لما يجى اروح اشترى 2 عصير قصب واحد ليا والتانى ليه حرام الجو حار وهو قاعد فى التوكتوك اكيد بيكون عايز حاجه ساقعه و وإيه اللى بقوله داااا .
وقفت على جنب لقيت شاب جاى ناحيتى وبيقول هو القمر بيطلع بالنهار وانا ماعرفش .
مشيت خطوتين واتجاهلت كلامه ..
جيه ورايا وقال الجميل ماله تقلان علينا ليه بس