اسكريبت

وأنا واثقه انه هيخرج من المستشفي علي شقتها هي مش شقتي.. 
أنا هطلق ي بابا لأن أنا مش قادرة
صدقني.. وعشان موضوع عماد ف أنا موافقه أتجوزة عشان يقبل يتنازل عن الدين..
محمود وأنتي بقي مفكراني هقبل باللي أنتي بتقوليه دا!!
أنتي مقدرتيش تعيشي مع مالك هتقدري ازاي تعيش مع اللي اتجوزك ڠصب عنك.. 
أنا مش هسمحلك تعكي حياتك بالشكل دا... الموضوع دا يتقفل أنتي فاااهمه... 
________________________________________
بابا معاه حق قفل الموضوع ومر شهر بالفعل.. الموقف لغبطني وخلاني أخد قرار غلط بس هو كان موجود ووقفني... 
أنا عارفه أن جواز مالك مني كان ڠصب عني ووقتها انا كمان مكنتش عاوزاه.. 
و تصرفه بجوازة كان غلط ودا غلط مقدرتش أسامحه عليه بس يمكن حبه ليها هو اللي خلاه يعمل كدا... 
وهي كمان بتحبه... وقفت معاه في شدته.. شهر كامل وهي عكازه.. 
زي ما قولت راح علي شقتها مش علي بيتي وقتها زعلت أوي ويمكن لسه لحد دلوقتي متضايقه بس لسه التعب الحقيقي مبدأش...
عبد العزيز جرب تمشي عليها كدا... 
ليلي اسنديه ي ندي.. 
مالك لا لا أنا كويس... انا حاسس أني هقدر امشي عليها بشكل طبيعي.. 
ليلي الحمد لله.. 
منال الحمد لله ي ابني انها جت علي قد كدا.. 
مالك أنا راضي.. أنا عارف أنه عقاپ علي اذيتي لحد مهم اوي وليه حق عليا... 
ليلي أنت هترجع الشغل أمتي! 
مالك ممكن أتكلم معاكي شوية! 
منال طب بقولك اي ي ندي تعالي وريني عندك اي نعمل غدا.. 
ندي ماشي ي ماما.. 
عبد العزيز أنا هروح افتح المحل.. سلام عليكم.. 
ليلي وعليكم السلام.. 
مالك ليلي! أنتي بتكرهيني! 
ليلي أنت قللت مني وفرقت في معاملتك بيني وبينها.. ب إسم الحب.. بس أنت ملكش سلطان علي قلبك.. أنا مسمحاك.. 
بس أنا مش هقدر أسامح نفسي لو
فضلت مكملة في الجوازة دي.. 
مالك لو وعدتك أني أعدل بينكم.. 
ليلي لا.. لا ي مالك أنا أسفه.. مش هقدر.. الحمد لله أنت بقيت كويس.. ممكن بعد اذنك تجيب المأذون وننهي المسأله دي في أسرع وقت.. 
مالك طب والدين اللي علي ابوكي!! 
ليلي الحمد لله بابا سد مبلغ الشهر دا ولسه ليا 3 شهور عدة هيحاول يدفع فيهم الباقي... متقلقش عليا مش هتجوز واحد زي عماد.. 
بعد سنتين. 
ليلي علي مهلك.. براحه.. ارتاحي ومتفكريش في حاجه.. قدر الله وما شاء فعل.. 
ندي پبكاء أنا كنت فرحانه اوي اني حامل.. مكملتش شهرين حتي.. 
ليلي احمدي ربنا أحسن ما كنتي تتعلقي بيه أكتر.. 
ندي بحزن قلبي واجعني.. 
ليلي معلشي ي ندي.. اختبار من ربنا ليكي.. استحملي.. 
خرجت من أوضتها وسيبتها ترتاح وبعدين روحت للمطبخ اساعد مرات عمي.. 
منال هي اتصلت بيكي انتي ليه!! 
ليلي قالتلي اتصلت بمامتها وتليفونها مقفول وكمان تليفونك مقفول ف اتصلت عليا وجبتك وجيت.. 
منال مش هتريحي قلبي ي ليلي... 
ليلي بضيق ي مرات عمي انا مستحيل اوافق علي اللي طلبتيه والموضوع انتهي.. هو مالك عارف انك عاوزة تجوزيه عشان الخلفه.. 
منال وافقي انتي بس ملكيش دعوة بمالك.. 
ليلي يبقي مش عارف.. الافضل تقوليله وبالنسبة ليا انا مش هتجوز مالك لو حصل اي.. تمام.. انا همشي بقي خليكي مع مرات ابنك.. سلام.. 
سيبتها ومشيت... 
انا مش عارفه هو ليه حظي من الدنيا مع ناس بتفكر في مصلحتها وبس... 
الاول اتجوزت مالك وقلت عشان خاطر بابا ميتحبسش وعشانه هعمل اي حاجه..
و بعدين مالك يطلع متجوز وعايش عادي وبكل بجاحه يقولي هعدل بينكوا..
و بعدين امه تقولي اتجوزية عشان تجيبلنا حته عيل... هو انا الحيطه المايلة بتاعتهم ولا اي... 
مفيش اي حد بيحس بيا.. ليه حاسين اني جبل ممكن استحمل ولا اتجرح.. 
رجعت بيتي وقعدت قدام التليفزيون
________________________________________
بتفرج علي المسلسل لحد ما لقيت مالك بيرن بصيت للرقم بضيق وبعدين رديت.. 
مالك ازيك ي ليلي! 
ليلي الحمد لله انت أخبارك اي! 
مالك بخير الحمد لله.. كنت عاوز اشكرك عشان جيتي لندي لما كانت تعبانه.. 
ليلي مفيش داعي للشكر.. ألف سلامه عليها وربنا يعوض عليكم ي رب.. 
مالك ي رب.. وماما قالتلي علي الموضوع اللي كلمتك فيه.. انا