برهان

ونيمها تاني وبقى يغطيها لانها كانت بترتجف
قسمت كانت دموعها بتنزل بغزاره وبترتجف جامد وبرهان كان بيبصلها بحزن و صعبانه عليه جدا.. حاول يقوى وينفض اي افكار من دماغه وهو بيقول.. ما تستاهلش دي بالذات لا ...دي بالذات لا يا برهان واخد هدوم ليه ودخل الحمام
خرج بعد شويه بس اتفاجأ بيها بترتعش وبتهلوس ..قرب منها وحط ايده على جبينها بيشوف حرارتها وكانت عاليه جدا وبقت تتنفض جامد وبتهلوس بكلام مش مفهوم ..حسب پخوف شديد عليها وقال قسمت.. قسمت انتي كويسه ..حاسه بايه
قالت بصوت ضعيف... بردانه قوي يا برهان قرب خليك جنبي
برهان استغرب جدا وقرب منها وقال.. انا جنبك انا هنا انا جنبك ما تخافيش
قسمت رفعت عيونها ليه وقالت..عايزه احس..ان..ان فبه حد معايا.. يا برهان
برهان اتسعت عنيه بزهول وقرب فورا من غير اي تفكير وبقى يقربها ليه وبيقول ...مش هسيبك انا جنبك انا معاكي يا قسمت مټخافيش
قسمت فضلت على الحال ده لحد ما حس انها ابتدت تهدى وراحت فعلا في النوم
وهو كمان كان مرتاح جدا بقربها ونام للصبح
في صباح يوم جديد قسمت قامت من النوم وهي حاسه بحر شديد من كتر ما كانت متغطيه حاولت تبعد الغطا عنها بس اتفاجأت نايم جنبها
اتسعت عنيها بزهول وبعدت بسرعه
برهان فتح عينيه بتعب لما قامت مفزوعه وقال بسخريه... صباح النكد مدام بعدتي 10 متر كده تبقي خفيتي ..تصدقي قلقتيني عليكي امبارح
قسمت بصتلو بزهول وقالت انت.. انت ازاي جبتني هنا انا اخر حاجه فكراها لما طلعت من البيت
برهان ضحك بسخريه وقال هي دي اخر حاجه فاكراها امبارح... انا بقى اخر حاجه فاكرها امبارح لما كنتي بتقوليلي خليك جمبي يا برهان كانت طالعه من بقك قمر
وقام وبقى يطلع هدومه من الدولاب بلا مبالاه
قسمت استغربت الي بيقوله وقالت پغضب... انت بتستظرف انا هقولك كده.. ده عشم ابليس في الجنه تلاقيك بس كنت مش متغطي كويس وبتحلم
و لسه هتمشي ناحيه الحمام مسكها من درعها وقال... ده انت اللي ما كنتيش متغطيه امبارح وكنتي بتحلمي احلام عسل لسه فاكر وانتي بتترجيني افضل جمبك
قسمت اتسعت عنيها بزهول 
وبرهان قال بسرعه... بصيتيلي كمان نفس البصه دي لما كنت قريب منك عايزه اعترف لك بحاجه رغم كل اللي بينا لكن انا مشوفتش بجمالك..على فكره ة...ده اذا 
قسمت بصتله بقرف ولسه هتمشي وقفها وقال انتي رايحه فين
قالت بضيق شديد هلبسلي حاجه وامشي من هنا..كويس ان حضرتك اتكرمت وجبتني ..اهو على الاقل البس طرحتي
برهان حس بحرج شويه من اللي عمله مهما كان هيه مراته وعلى زمته وما كانش ينفع يرميها في الشارع بالمنظر ده كده اتنهد وقال بحرج... خلاص انا ميهمنيش مين اللي بعتلك الجواب ده ولا ايه اللي كان في بينكم كده كده انتي هنا مجرد خدامه يعني ما تفرقش خليكي مفيش داعي تمشي
قال كده و لسه هيمشي ناحيه الحمام قالت بسخريه... ده لما تكون حضرتك اللي منعني اقعد.. انما انا الي مش عايزه اقعد معاك اكتر من كده 
برهان بصلها بسخريه وقال...ومن امتي بقى الكلام ده
قسمت قالت پغضب شديد من النهارده او بمعنى اصح من امبارح من وقت ما رمتني في الشارع غير حتى ما تسمع كلمه ..وبالليل و في البرد ده ومفيش حاجه تستدعي اصلا الي عملتو
قسمت لسه هتمشي شدها عليه بقوه وقال پغضب... واللي قريته في الجواب مكانش يستدعي
قسمت دفعته بقوه وقالت پغضب .لا ميستدعيش ابدا لان مش انا اللي كاتبه الجواب علشان