ولدت تؤم
المحتويات
ما أنا كل يوم هكلمك في التليفون وهاجي لك زيارة كل أسبوع وهجيب لك فلوس المهم اني اجيب فلوس انتي بس تخلي بالك من نفسك
الام
ربنا يسترها يابنتي وانتي كمان تخلي بالك من نفسك وتطمنيني عليكي اول بأول كده متخلنيش قاعده قلقانة عليكي
وبعدها سافرت على مصر وهناك قابلت سهير وطلعتني الاوضة اللي فوق السطوح وقالت لي
معلش بقا ياسماح الاوضة مش اد المقام بس اللي موجودة حاليا ياحبيبتي
لا ازاى ياسهير دي حلوه اوي ياحبيبتي وبعدين انتي كتر خيرك انك جبتيني هنا بدال مادوخ في مصر على مادور على حاجة اعيش فيها
سهير
متقوليش كده يابت ده احنا اخوات ومتربين سوا في البلد ويلا ياحبيبتي خودي راحتك في الاوضة وان احتاجتي اي حاجة اطلبيها علطول مني
سماح
تسلمي ياسهير ربنا يخليكي ليا يارب ويرزقك
سهير
يارب انا هنزل بقا لحسن سايبه العيال لوحدهم يلا تصبحي على خير
اهلا وسهلا انتي بقا البنت الجديده اللي جايه تستلمي الشغل
سماح
ايوه انا حضرتك وان شاء الله هكون عند حسن ظن حضرتك يافندم
هو
تمام اوي ياسماح انا أسمي خالد هبقا رئيس القسم ده تمام ودلوقتي تعالي معايا اعرفك الشغل هيبقا ماشي معاكي ازاى
مشاء الله عليكي ياسماح انتي طلعتي شاطرة جدا ولهلوبة في الشغل انا مش بحسد ولا حاجة بس بصراحة عملتي في شهر اللي بنات غيرك كتير معرفتش تعمله
سماح
دي شهادة اعتز بيها يا استاذ خالد وبعدين حضرتك اللي عملتني الشغل يعني الفضل ليك
لا لا ازاى الفضل يرجع لشاطرتك انتي على فكرة انتي جدعه اوي وانا بحب الناس الجدعه ايوه كده عايزك تفضلي كده دايما
سماح
من عنيا حاضر انت تؤمر والله وبعدين انا جايه هنا عشان اثبت كفائتي في الشغل لاني مش عايزة اخسرة
خالد
ان شاء الله هتبقي احسن واحده في المصنع هنا يلا وريني الهمة بقا عايزين نسلم الطلبية دي بسرعه جدا النهاردة
من عنيا الاتنين
وسبني مشي وجات مني اللي شغاله معايا في المصنع وقالت لي
ايوه بقا انا شايفه الاستاذ خالد مهتم اوي ياسماح وبيقول عليكي شاطرة ايوه كده يابت قدرتي تثبتي انك جامده في وقت قياسي
سماح
انت كمان هتحسدني يامنى ماخلاص ياختي ربنا اللي بيدي على اد الشيلة الله
مني
طبعا يابت هو احنا قولنا حاجة وبعدين انا بحبك ياسماح وعايزة لك الخير وكمان ده خالد ده ابن صاحب المصنع ده كله يعني اللي يهتم بيها يسعدها ياهناها
انت عايزة تقولي ايه يامنى بالظبط انا جايه هنا ياختي عشان اكل عيش وبس ومليش دعوة بقا بابن صاحب المصنع ولا غيره
مني
ياختي ماكلنا جايين ناكل عيش يابت هو انا قولت لك اننا جايين نلعب ولا حاجة انا بس بقول انك حلوه وزي القمر وده معاه فلوس بالهبل يعني يقدر يستتك في بيت العدل بدال شغلانتك دي
سماح
بقولك ايه يامنى حلي عني الله يكرمك وخليني اشوف شغلي هنا من غير اي مشاكل الله لا يسئيك انا غلبانة ومليش في الجو ده يلا بقا روحي شوفي شغلك
مني
ماشي ياسماح خليكي كده بت فقرية صحيح
وبعدها قبض المرتب ورجعت البلد عشان أزور امي وقالت لي
البيت وحش من غيرك ياسماح يابنتي انا مش عارفه انتي جاي عليكي بايه الشقا والتعب
ده
سماح
وفيها ايه بس ياما انا خلاص ابديت اتعود على التعب والشقا وبعدين هو انا
كنت اشتكيت
متابعة القراءة
