مأساه حوريه

امها وقالت .... انا مش عارفه. انا ازاي جيتلك. مع اني كنت متاكده انك هتخذليني. حتي مش هتحسي بيا. بس كنت بكدب نفسي للمرة المليون. 
قامت وقفت وهي بتمسح دموعها وقالت... عن اذنك. واسفة اني اخدت من وقتك
في اللحظة دي دخل راجل في اواخر الخمسين يبان عليه الهيبة والثراء 
قرب منهم وقال.... حورية. ازيك يابنتي. عاملة ايه
حورية... الحمدلله. ازيك ياعمي. 
صالح ببتسامة .... اقعدي ياحبيبتي واقفة ليه 
حورية... دا انا همشي عن اذنكم
صالح... تمشي تروحي فين. انتي هتباتي معانا النهاردة
لسه حورية هترد لكن رد مامتها كان اسرع لما قالت... مش هينفع ياصالح علشان جوزها 
حورية بصت لامها بخزلان ويأس وقالت ... عن اذنكم
ولسه هتتحرك قال جوز امها... طيب يابنتي استني اخلي السواق يوصلك
حورية... انا هاخد تاكسي. عن اذن حضرتك
...... 
عند محمد ورشا
وحشتني 
قالتها رشا بحب وهي بتقرب تحضنه 
محمد بڠصب مكتوم وهو بيبعدها عنو... بتعملي ايه يامجنونة 
رشا... بقالي كام يوم مش عارفة اتلم عليك وانت واحشني مووووت 
وقربت تحضنه تاني وهي بتقول متخافش مفيش حد هنا 
لكن قاطعها صوت حماتها لما قالت پغضب ... رشاااا 
رشا بعدت پصدمه هي ومحمد 
قدرية بصت ليهم باستغراب وقالت.... واقفين كده ليه
رشا بارتباك.... ابدا ياخالتي. دا دا محمد كان بيسالني علي امجد 
قدرية بتفهم لانها مشافتهمش اصلا وده لانهم بعدو بسرعة وهي لسه طالعة السلم ف قالت.... اه. طيب انزلي ياختي بنتك مش عارفة اسكتها 
حاضر ياخالتي هدخل اجيب الدوا علشان ادهولها
قالتها رشا وهي بتفتح باب الشقه وبتدخل تجيب الدوا لبنتها 
في اللحظة دي كان محمد بدون ولا كلمه طلع واتجه لشقته لكن وقف علي السلم لما قدرية قالت... مش هتتغدي ياحبيبي
مش دلوقتي 
قالها محمد وهو بيبفتح باب الشقه وبيدخل 
وقدرية نزلت هي كمان
....... 
بعد وقت 
نزل محمد وهو بيلبس في ساعته باستعجال وبيتجه للخارج
قدرية وهي قاعدة ورشا معاها قالت.... هتمشي بردو من غير ما تتغدي يامحمد
محمد.... عندي شغل وبعدين انا مش جعان ولو جوعت هاكل بره متشغليش دماغك ياست الكل
في اللحظة دي 
دخلت حورية بهدوء 
قدرية.... اهلاا بالست هانم اللي خرجت من صباحية ربنا ومحدش يعرف هي راحت فين ولا كأن ليها راجل يحكمها ولا حتي عاملة حسابه
محمد.... ياامااا. في ايه 
قالها بصوت عالي وڠضب من امه لترد قدرية وتقول... ايه هو. انا قولت حاجة غلط. تقدر تقولي الهانم كانت فين
محمد.... هي استإذنت مني قبل ماتخرج.. وعمرها ماخطت باب البيت ده من غير ماتقولي 
حورية بهدوء.... عن اذنكو
واتحركت نحية السلم متجهة لشقتها بس محمد وقفها لما قال بهدوء مصتنع.... حورية
لفت ليه وقالت... نعم 
تعالي
قالها وهو بيشاور ليها بايده تقرب منه
قربت وقفت قدامه بدون ولا كلمه
حاوط وشها بإديه وهو بيبص في عيونها اللي واضح جدا عليهم البكاء من لونهم الاحمر 
وقال بحنيه عكس طبعه... مال عنيكي. انتي كنتي بټعيطي
حورية بنفس هدوئها... لا. دي حاجة دخلت