مكتوبة على اسمي 51

تروح البيت عند عزيز وتعتذر ل اختها ميرفت وتطلب منها انها تسامحها ومتقولش ل عامر اللي حصل معاها وترجع ميسرة تظهر بشخصيتها تاني قدام عامر وتقف مع ابنها في ازمته مع آيات بعد ما طلقها. 
عند آيات في بيت عمها. 
دخلت مرات عمها الغرفة عشان تصحيها ولقت آيات نايمه على سريرها ومش بترد.. حاولت تصحيها وتنادي عليها لكن آيات كانت غايبه عن الوعي.. صړخت مرات عمها پخوف وخرجت تجري وتصرخ وقرب منها فارس بقلق في ايه يا امي ايه اللي حصل
والدته شوف دكتور بسرعة آيات بنت عمك مش بتنطق.
فارس اټصدم اول لما سمع كلام والدته وخرج بسرعه يجيب دكتور الوحدة الصحيه في البلد وعم آيات دخل يطمن عليها بقلق. 
في بيت عزيز.
ميرنا دخلت غرفتها بسرعه واتصلت على عامر وقالت بهمس الو.. عامر.. في حاجة مهمة لازم اقولك عليها.. بابا كان عنده ميعاد النهاردة مع الرجاله اللي هيساعدوه في خطڤ طنط ميسرة.. بس طنط ميسرة كلمته دلوقتي وقالتله انها جايه البيت عشان تشوف طنط ميرفت وبابا طلب مني احطلها منوم في العصير اول لما توصل وقالي انه هيروح مشوار مهم ومقلش مشوار ايه وانا خاېفه ومش عارفه أعمل إيه!
عامر تمام يا ميرنا.. جهاز التتبع والتنصت اللي انا ادتهولك عايزك تحطيه في الجاكيت إللي باباكي هيلبسه وهو رايح المشوار بتاعه وامي لما تيجي عندك هقولك تعملي معاها ايه.
ميرنا بتوتر طب هو انا هسافر امتى بقى يا عامر.. انا خاېفه بابا يعرف اني بساعدك..
في الوقت ده كان عزيز وقف قدام غرفة ميرنا عشان يخبط عليها ويعرفها انه هينزل دلوقتي وسمعها وهي بتتكلم ووقف عشان يسمع باقي كلامها.. 
ميرنا بابا لو عرف اني بساعدك يا عامر ممكن يقت لني..ارجوك انا عايزة اخد الفلوس اللي وعدتني بيها واسافر في اقرب وقت.
عامر متقلقيش يا ميرنا.. بكره او بعده بالكتير هتكوني مسافرة انتي وكوكو وهتاخدي الفلوس اللي وعدتك بيها..المهم تنفذي اللي قولتلك عليه.
ميرنا حاضر يا عامر.. انا هروح دلوقتي احط الجهاز اللي انت ادتهولي في لبس بابا وربنا يستر ومش ياخد باله من حاجة.
قفلت ميرنا المكالمة وعزيز همس قدام باب غرفتها پصدمة يابنت انتي يا ميرنا!! بتساعدي عامر ضد ابوكي عشان الفلوس!!
واتحرك عزيز بسرعة من قدام غرفة ميرنا ودخل غرفته وبعد دقايق قليله ميرنا خبطت علي غرفة باباها وهو وقف قدام المرايا ومثل انه بيلبس وكان حاطت الچاكيت بتاعه علي السرير وقالها انه هيدخل الحمام وميرنا استغلت دخوله الحمام وحطت جهاز التنصت بتاع عامر ووقفت تنتظر باباها يخرج من الحمام واول لما خرج عزيز اخد الچاكيت بتاعه لبسه وقالها انا هروح المشوار اللي قولتلك عليه يا ميرنا وانتي تحطي المنوم ل ميسرة اول لما تيجي زي ما اتفقنا.
ميرنا هزت راسها بالايجاب
وعزيز بصلها اوي وقال انا واثق فيكي يا ميرنا وعارف انك قدها.. الفلوس اللي هناخدها من عامر وشريف هنعيش بيها ملوك بقيت عمرنا.
ميرنا بصتله بتوتر وعزيز بصلها پغضب وخرج من الغرفة وميرنا خرجت وراه وهي حاطه أيديها على قلبها وخاېفه من اللي جاي. 
رواية مكتوبة على إسمي بقلمي ملك إبراهيم. 
عند آيات. 
خرج الدكتور من غرفة آيات ومعاه مرات عمها وفارس والحاج اسماعيل قربوا منه بقلق خير يا دكتور بنت أخويا مالها
الدكتور رد بأبتسامة متقلقش يا حاج بنت أخوك بخير بس هي ضعيفه شويه.. 
وبص لمرات عم آيات وقالها لازم تهتمي بأكلها الايام الجايه دي يا حاجة طبعا مش هوصيكي والف مبروك.
فارس بصلهم پصدمة وقال مبروك على ايه
ردت والدته بسعادة آيات بنت عمك حاامل... بقلمي ملك إبراهيم. 
... يتبع 
آيات بنتنا حاااامل وعايزين نفرح عامر بقى بس عزيز كشف ميرنا