روايه جميله
ايه الكلام ده
زين لسه هيرد اتفاجأو بالعصابه الي كانت بتجري وراهم حاوطت المكان وبقو يضربو ڼار على كل الي يقابلوه
تهاني صړخت منن الصوت وزين جري ناحيتهم واحد منهم رفع السلاح في وشو وقال..خليك مكانك..الشنطه فين يا زين
زين قال بتوتر..اهدى يا صفوت الناس الي هنا دي ملهاش ذمب و
صفوت مستناش يسمعو وقتل واحد كمان وقال..قولتلك الشنطه فين
بس اڼصدم لما واحد منهم سحب تهاني وحط السلاح في دماغها وقال..الشنطه .. ..احين اطيرلك دماغ الحلوه دي
تهاني بصتاو بدموع وزين خاف جدا عليها وقال..طيب..طيب هجبها..هجبها والله بس...بس سبها تمام
الراجل لسه هيرد الشرطه ملت المكان وابتدى تبادل اطلاق الڼار والعصابه اخدو تهاني كانو عايزين يهربو بيها بس زين جري ورا الراجل الي ماسكها واستغل انشغالو مع الشرطه وخنقو من وراه ورفع ايده لفوق وتهاني جريت وحماده مسكها
زين بصلها پصدمه وتهاني اتفاجئت جدا وقالت..انا
الشرطه لسه هيطلعو بزين جيه راجل في الخمسين وقال...استنو ....سيبوه
زين ابتسم بفرحه والظباط ضربولو تحيه وقالو..حضرة اللوا...حمد الله على السلامه
زين اتقدم عليه وقال..انت كنت فين انا كنت هروح في داهيه
زين قال..الحمد لله على كده...الشنطه معاكم دلوقتي حاجه تانيه
اللوا قال....لا كده تمام..لولا تعاونك معانا مكناش هنقدر نرجع الالماس ولا نقبض على العصابه...وانا زي ما وعدتك هتبقالك نسبه كويسه تبدأ بيها حياتك وبلاش شغل الخزن ده تاني
الضباط مشيو وزين بص لتهاني بلوم ومشي من غير ما يكلمها
تهاني جريت وراه وقالت...زين...زين والله ما ليه اي دخل..انا والله ما بلغت
زين وقف وبصلها قال...حتى لو بلغتي يا تهاني..حقك..من حقك تخافي على نفسك...كده كل حاجه بقت تمام..انتي تقدري ترجعي لبيتك وشغلك...عن اذنك
تهاني مسكت ايده وقالت بدموع...بس انا مش عايزه غيرك يا زين
زين قال كده ومشي وتهاني بقت تبصلو بدموع وقعدت على الارض وبقت تبكي
حماده اتأثر جدا بدموعها وقرب منها قومها ومشي بيها
ومرت الايام كانت تهاني حزينه جدا حاولت توصل لزين كتير ومعرفتش وفي يوم كانت بتشتغل زي العاده وقالت...تمام يا باشا سيب العربيه عندك هخلص الي في ايدي واشوفهالك
تهاني اټصدمت لما سمعت صوتو وبصتلو بسرعه ولهفه مكانتش مصدقه انو قدامها بعد كل المده الي فاتت بتحاول توصلو ومش عارفه قالت بفرحه...زين
زين ابتسم وقال...وحشتيني يا تونه
تهاني ابتسمت بفرحه وقالت ...انت كنت فين انا قلبت عليك الدنيا
زين قال..كنت بفتح مشروعي الجديد عملت مطعم حكايه..سميتو مطعم تهاني.. للمحشي والضاني... ايه رأيك
تهاني ضحكت وقالت...يبقى اكل فيه ببلاش بقى علشان اعملك دعايا
زين ضحك وقال...اكيد هتاكلي فيه..وهتشتغلي معايا فيه..اهيه حاجه على قدنا نبتدي بيها حياتنا
تهاني قالت..حياتنا
زين ابتسم وقال..امم..حياتنا..اصل انا اكتشفت اني مش هعرف اعيش من غير صداعك ورغيك فقولت اكسب فيكي ثواب واجي اتقدملك
تهاني قالت بفرحه..قول والمصحف
زيم ضحك وقال..من غير حلف بس علشان لو حبيت اخلع
تهاني قلت..لا المرادي لو جيت تخلع هخلعلك اسنانك..والله يا زين مش انا الي بلغت و
زين ابتسم وقاطعها وقال..عارف..انا ممشتش لاني فاكر انك بلغتي..انا مشيت علشان ابتدي صح..من غير
ما امرمطك معايا لاني شايف ان حرام تتعبي تاني..كان نفسي اخليكي اميره عندي ...وأول ما وقفت على رجليا جيتلك على طول
تهاني قالت..يا سلام طب افرض كنت لقتني اتجوزت ولا اتخطبت..
زين ابتسم وقال بمرح ..لا ما انا ضامنك مين هيتقدملك غيري يعني
تهاني رفعت حاجبها بدهشه وزين ضحك وقال.. لا بجد انا كنت جايب قرارك من بعيد..حماده كان بيحكيلي كل حاجه عنك وقلي انك رافضه اي حد غيري
تهاني قالت بزهول حماده
زين قال..اه حماده..حاسس بالذنب من ساعه الي حصل..لانو هو الي بلغ على فكره... ولما طلبك للجواز وانتي رفضتي جيه وقلي..قلي البت بټموت فيك ارحمها بقى
هتتجنن علشان كده جيت
تهاني ضړبتو في كتفو بخفه وقالت...ولو ان هزارك بايخ..لاكن بجد كنت هتجنن
زين ابتسم ومسك ايدها وقال...بعيدا عن اديكي الي بوظتلي القميص..لاكن انا بحبك وھموت وابقى عريس
تهاني ضحكت وزين شدها من ايدها ومشي بيها بالعربيه وقالت...هيه العربيه المكسحه دي لسه معاك
زين ابتسم وقال ..وعمري ما هبيعها العربيه دي هيه الي جمعتني معاكي
تهاني ابتسمت وقالت ..معاك حق كانت اجمل عربيه صلحتها علشان جمعتنا سو...اجمل شيفروليه..شيفروليه الغرام
......تمت بحمد الله.....
كنتم مع شيفروليه الغرام بقلم زهرة الربيع...زهرتكم تحيكم ودمتم في امان الله مع من تحبون
