انت ياخ
المحتويات
ملحقتهاش كانت ممكن تضيع من أيدي
أنا آسفة
اتكلمت وهي بټعيط وحاطة أيديها على خدها فأخدتها في حضڼي وسكتها
طيب يا جماعة مش وقته الأحضان دى الوقت اتأخر تعالوا أوصلكم
شكرا ليك أنا هتصرف
مفيش حاجه إسمها الكلام دا أنا عربيتي راكنها بعيد فأتفضلوا أنتم أمشوا وأنا همشي وراكم
مكنش فيا حيل أجادل بالفعل مشى ورانا أنا كنت ماسكه أيد ملك اللي باين أنها تلجت من الجو ومن اللي هي لابساه! وصلنا البيت وشكرناه على مساعدتنا
زياد
شكرا
العفو بس هو ممكن أخد من أختك دقيقتين على انفراد
رفعت حاجبي وأنا مستغربة وندهت ملك تكلمه بعدت شوية وسبتلهم مساحة للكلام.
بعدها ابتسملي وابتسم لملك ومشي ملك جات وهي بټعيط وتضحك في نفس الوقت
قالك أي يا ملك
تعالي نطلع وهقولك
لا إحنا نطلع من الباب الوراني عشان بابا أو ماما مياخدوش بالهم
غيرت القرف اللي كانت لابساه وأنا كمان بعدين قعدنا نتكلم
احكيلي قالك ايه
قالي أخدك قدوتي وان اللي زيك هما أكتر الناس قرب للجنة أما صحابي اللي كنت ماشية معاهم هما دول اللي هيأذوني في حياتي وبعد مماتي
كمان قال أنه أعجب بشخصيتك.
احم اه
سكت وقولتلها قفلي على الموضوع دا يا ملك تعالي ننام.
في الليل حلمت إني قاعدة في غيط ورد أبيض كتيير وكنت لابسة أحمر وفاردة شعرى وجه الغريب زياد قعد جنبي وقدملي وردة حمرا وقالي
تشبه خدودك
ابتسمت واخدتها منه وحطتها في جيبه وقولتله
تشبه لقلبك.
صحيت من النوم على نور الشمس في عيني كانت ملك فتحت الشباك كالعادة.
صحي النوم في محاضرة
لا بصي كنسلتها
وه! سديم هتاخد إجازة من محاضره
ضحكت ولعبت في شعرها وأنا بقولها
تعبت وعايزة أتمشي شوية على البحر
وماله يا حبيبي أنا هلبس عشان ورايا محاضرات
بصيتلها وانا بمسح على وشي وقولتلها
ملك!
نعم
صليتي
جبت قهوة واتمشيت على البحر كان الهوا جميل
صباح الخير
أنت صباح النور
طبعا مش هقول صدفة لأني واقف تحت البيت من تسعة الصبح
ليه
رقم والدك ممكن
وشي قلب أحمر واتفاجئت ودورت وشي وبصيت للبحر.
شكلك مش ناوية تديهولي يا سديم
عرفت أسمي منين
من ملك ثم أن أسمك يشبهلك فعلا نجمة
احم هات تلفونك
عطاني تلفونه وهو بيبتسم وقالى
ومشي شكله خلاني أبتسم تلقائي
روحت البيت وابتسامة ماما وبابا كانت دليل أنه كلمهم على طول
ها يا سديم بما أنك عطيتي ليه الرقم
متابعة القراءة
