سكن الطالبات

بطريقتي 
من غير ما يعرف انك اتكلمتي معايا خالص
بس قوليلي انتي وشك مخطۏف كدا ليه
ها ..لا مفيش 
لا ازاي في حاجه حصلت يا رحمه
مفيش ..امي يا ستي عاوزه تجوزني لابن اخوها
جواز طب الكلية 
لا ما هو هيبقى خطوبة الأول لحد ما اخلص 
وانا من ساعتها لا باكل ولا بشرب ومقضياها عياط
مش شايفه غير حسام ..وهو مش حاسس بيا اصلا
كنت حاسه انها متغيرة ونبرة صوتها مختلفه شوية 
يمكن من العياط زي ما بتقول ويمكن في سبب تاني 
خلاها ترجع قبل معادها ..مش عارفه بس في حاجه
ولازم اعرفها
نمت وعلى نص الليل قلقت 
لما فتحت النور اټفزعت لما لقيت رحمه 
واقفه قصادي وبتبص عليا بنظرات مش مفهومه
انتي واقفه عندك ليه
ها ..لا بس اصله كنت داخله الحمام 
ولقيتك نايمه ومفيش حركه ..كنت حاسه 
انك مش بتتنفسي فقلقت عليكي
مش بتنفس أزاي يعني 
مش عارفه المهم انك بخير
مشيت وراحت الحمام وانا قلقت اكتر منها 
من وقت ما جات وهي متغيرة ..وانا نايمه 
كانت واقفه بتبص عليا معرفش لو مكنتش صحيت
كانت هتعمل ايه ..وكمان صوت الخطوات اللي كانت 
رايحه جايه من شوية ولما فتحت لقيتها قدامي
رجعت تاني ودخلت سريرها وبصت عليا 
بصه أخيرة قبل ما تغطي وشها
كنت خاېفه ومعرفتش انام ..اول مرة احس پخوف منها 
معرفش فات وقت أد أيه ولقيتني روحت في النوم
ولما صحيت حسيت بالام حولين رقبتي 
الم شديد ..جريت ع المرايا ولقيت أثر صوابع 
معلمه حولين رقبتي ..اټخضيت وبصيت لصاحبتي 
كانت لسه نايمه
اكيد هي اللي عملت كدا ..ليه حاولت تخنقني 
وازاي ضغطت عليا بقوة كدا لدرجة انها سابا علامه
وانا محسيتش
غيرت ونزلت بسرعه ع الكلية 
قابلت حسام بالصدفه ..ندهت عليه عشان اتكلم 
معاه في موضوعها ..بس الظاهر انه مسمعنيش
فكرت انده عليه تاني ..بس كبرت دماغي 
انا اصلا مخنوقه من رحمه من ساعة اللي حصل امبارح 
والاثر اللي رقبتي ..واللي اكيد منها
معرفش هي اټجننت ولا جرالها ايه عشان تفكر تأذيني 
رجعت السكن بعد ما خلصت المحاضرات قبل المغرب 
وكانت رحمه قاعده وساكته
متكلمتش معاها في حاجه وهي ولا كأنها شايفاني
اكيد سرحانه في سي حسام بتاعها
بعد نص ساعه كانت جات علا من بره 
وهي لابسه اسود !
سألتها انا ورحمه خير يا علا لابسه اسود ليه 
تجاهلتني تماما ...وحضنت رحمه وقالت لها
انتي متعرفنيش ان ياسمين ماټت
ايه ياسمين ماټت !! ..امتى وازاي 
عينيا وسعت وأنا بسمع خبر مۏتي 
وعلا كملت 
من يومين أهلها دخلوا عليها لقوها شنقت نفسها
متحملتش يا عيني الضغط والمشاكل اللي في البيت 
عندها وقررت تنهي حياتها
جريت بسرعه ع المرايا وبصيت على أثر الالم في رقبتي 
ودققت النظر أكتر واكتشفت انه مش اثر صوابع رحمه
دا اثر الحبل اللي شنقت نفسي بيه
رحمه صړخت وقالت مستحيل 
ياسمين كانت معايا امبارح وكنا بنتكلم طول الليل
بقولك ماټت يا حبيبتي . ادعى لها ربنا 
يرحمها ويسامحها ع اللي عملته في نفسها.
تمت