يوم
المحتويات
مالو في أي بني ادم زايه زاينا يا دكتوره يا متعلمه يا بتاعت الإنسانيه
قولتها وقفلت السكه في وشها مش عارفه ليه بس زعلت عليه مالو في أي ما هو زاي الفل مفيهوش غلطه
كملت قهوتي وشفته بيركن عربيته تحت العماره ونزل منها مع نظرات اهل المنطقه الي كلها سخريه اغلب الناس بيبصبو ليه بقرف والباقي مش مهتمين
لاكن مكنش مهتم ليهم ولا كأنهم موجودين دخل العماره عادي
ذنبو أي انه شكله كدا
هو لازم الإنسان يكون شكله حلو عشان نحبو ونتعامل معاه ب احترام
اضايقت عليه جدآ ودخلت اعمل الكاب كيك عشان مبحبش اخلف ب وعدي مع الأطفال ووانا واقفه بعملو بابا دخل هو كمان المطبخ يعمل كوباية شاي
_تحب اعملو انا يا بابا
_لاء يا حبيبتي هعملو انا انتي شايك ميتشربش
_اسكتي يا روز يا بنتي جيه الصبح وأهل المنطقه اتريقو عليه اخر تريقه عمك علاء قالو مينفعش تعيش معانا هتخوف عيالنا وعمك محسن قالو انت مسخ وعزوز قالو انت شيطان الواد صعب عليا اوي
_اوعا تكون قولتلو حاجه يا بابا
_لاء يا بنتي مقولتش ده يبقا حرام عليا رحبت بيه والله وكلمت اهل المنطقه يتعاملو معاه حلو احنا مشفناش منو حاجه وحشه
_ربنا يهديهم يا بنتي
قالها وخلص الشاي وخرج وبعد شويه كنت خلصت الكاب كيك ونزلت اوزعو على أطفال المنطقه ووعدتهم انهم لو احترموا جارنا الجديد هعملهم حاجات حلوه كتير
وطلعت البيت وبعد شوية تفكير قرارت اني اطلع ليه اديلو من الكاب كيك اللي عملتو ك ترحيب بيه استأذنت من بابا الاول وبعدين جبت طرحه حطيتها على شعري وطلعت ليه
_نعم !
_ازيك انا روز جارتك اللي تحت
_اي المطلوب
_مفيش حاجه مطلوبه انا جايه أرحب بيك بس مش اكتر ممكن تتقبل مني الكاب كيك ك ترحيب بيك
_لاء شكرآ مش عايز اتفضلي انزلي
_انت بتتكلم كدا ليه انت غريب اوي على فكرا
_انتي اللي غريبه او مبتشوفيش مش شايفه شكلي مخوفتيش ليه زاي صحبتك وزاي الأطفال وزاي اهل المنطقه
_انسه روز المبالغه في عدم التنمر يبقا تنمر
_يا ابني انت مبالغه في أي انا حقيقي مش شايفه فيك اي حاجه تخوف
_تمام اتفضلي امشي بقا
_بس انا مصممه انك تاخد الكاب كيك ده النبي وصى على سابع جار ولا اي
_الله ما طولك يا روح انتي عايزه اي دلوقتي
_تاخد الكاب كيك
_هاتي ياستي هاتي
قالها وخد مني الطبق وقفل الباب
عدت الايام وهو مالوش دعوه ب اي حد في المنطقه بيخرج متأخر ويرجع متأخر ولا بيرد عليا السلام ولا الصباح طلعت ليه كذا مره قبل كدا مره ب فطار ومره ب
متابعة القراءة
