يوم
المحتويات
بعد يوم متعب خلصت النبطشيه بتاعتي في المستشفى وكنت مروحه انا وصحبتي سلمى على البيت
_بت يا روز
_امم
_تفتكري ممكن يحصل حاجه في اليوم المميز ده
_هيحصل اي يعني يا سلمى ده احنا فقر الدهب في إيدينا يبقا تراب
_طب امشي قبل ما الجو يتأخر ونتخطف زاي اللي بيتخطفو
_صح انا مش مستغنيه عن عمري
وبعد ربع ساعه من المشي وصلنا للمنطقه عندنا كانت منطقه جميله الناس فيها بتحب بعض لحد ما من فتره حالات الخطڤ بقت كتيره وبقينا عايشين في خطړ كنا ماشيين انا وسلمى خايفين لحد ما وصلنا للعماره عندنا
_امشي يا سلمى الله يرضى عليكي
قطع كلامي معاها صوت الأطفال وهما بيقولو
العفريت لازم يمشي العفريت لازم يمشي
كانت اختي رونزي من ضمن الأطفال دول قربت ليهم وقولت
_عفريت اي يا حبايبي ليه بتقولو كدا
رد طفل من الأطفال وقال
سلمى رقعت ب الضحكه عشان الطفل قالي يا طنط تجاهلتها وكملت كلام معاه
_مينفعش نقول عليه كدا ده بني ادم زيه زاينا وكل الناس حلوه عشان ربنا هو اللي خلقهم احنا كدا وحشين ومتنمرين ربنا هيزعل مننا
_طب نعمل اي يا طنط روز عشان ربنا يحبنا
_خلاص انا مش هقول عليه عفريت تاني يا روز
_شاطره يا رونزي هعملك كاب كيك عشان انتي شاطره
_وانا يا طنط
_وانا كمان مش هقول عليه عفريت تاني
_وانا وانا هحبو وهحترمو يا طنط
_شاطرين يا حبايبي هطلع اعمل الكاب كيك واديكم كلكم
قولتها ونزل من العماره شاب الولاد كلهم جريو عليه وهما بيقولوا
_انت حلو يا عمو مش عفريت
_احنا بنحبك يا عمو
_متزعلش مننا يا عمو
فهمت من كلامهم إن ده الشخص اللي بيقولو عليه عفريت بصيت ليه وكان كان وشه مټشوه بس التشويها مش من مياة ڼار انا دكتوره وافهم كويس في الحاجات دي كذا مكان في وشه فيه تعويره ومتخيط لدرجة إن سلمى خاڤت منو وشدتني عشان امشي معاها بس ممشتش فضلت واقفه وهي اللي مشيت
ابتسم للأطفال وسابهم ومشي مشي وهو مستغرب اني مخوفتش زاي سلمى!
طلعت البيت غيرت هدومي لبست جلبية ماما اللي بحبها وبرتاح فيها
_ينفع اللي انتي عملتيه ده كسفتي الراجل
_راجل اي يا روز ده أعوذ بالله من الشيطان الرجيم منو ده يقطع الخلف
_عيب عليكي يا سلمى
متابعة القراءة
