ابنى

كان شباك أوضة الأطفال ..كان في سرير ودولاب صغيرين
ولكن متغطيين ...دورت ع القطه ولكن ملقتهاش 
باب الأوضة كان مفتوح ..اكيد خرجت منه
مشيت بهدوء وخرجت في الصالة ..
كان في صالون وترابيزه سفره على جنب حوليها 6 كراسي
وكان في تليفزيون في نص الصالة
القطة كانت فوق ترابيزة السفرة..لكن لما جه نور الكشاف عليها ..جريت بسرعه ناحية المطبخ ..جريت وراها
تعالي هنا نشفتي ريقي ..ولسه همسكها
جريت من بين رجليا ..وهربت ع الحمام
دخلت وراها كان في بانيو وعليه ستارة 
اكيد نطت جوه البانيو ..شديت الستارة 
واټفزعت لما لقيت ست مدبوحه 
وعيونها جاحظة وباين عليها علامات الفزع
قربت منها وبأيد مرتعشة عشان أجس النبض
لقيتها مسكت في رقبتي فجأة
وقالت بصوت مخيف 
انت داخل شقتي ليه في الوقت دا 
انت أكيد حرامي
فلت منها بصعوبه وجريت وانا بقول سلام قول من رب رحيم
انا ايه اللي جابني هنا بس
وانا في الصالة وبدور ع اللقطه المعلونه
سمعت صوت أبني جاية من أوضة الأطفال
جريت عليها ولما دخلت لقيته نايم ع السرير 
ومعاه القطة
خلاص لقيتها يا بابا
خالد !! انت جيت هنا أزاي 
بص لي بأستغراب وقال
يعني ايه ..دي أوضتي يا بابا
قولتله لأ مش اوضتك ويلا من هنا بسرعه 
نرجع على بيتنا ..لسه هشيله وهخرج بيه
من شباك المنور
لقيته بيقول الحق يا ماما عاوز يخطفني 
بصيت ورايا لقيت الست المدبوحه
بتبص لي پغضب والدم نازل من رقبتها 
وقالت 
انت جاي ټخطف ابني كمان ..انا مش هسيبك
قولتلها لا ..لا دا ابني أنا
سمعت صوت الولد أتغير وقال
اوعى نزلني انت مش بابا
بصيت لأبني لقيت ملامحه أتبدلت 
وبقى مسخ مخيف ..سبته من إيدي 
وقع ع الأرض أتكسر زي ما يكون مصنوع من زجاج
الست صړخت وهي بتلم في الزجاج المتناثر
وانا جريت بره الأوضة وهي بتتوعدني بالأنتقام
حاولت أفتح باب الشقة كان مقفول 
دخلت على الأوضة التانية
وهناك لقيت مراتي
ها لقيت القطة ولا لسه يا أشرف
أنتي جيتي هنا أزاي ..هو ايه اللي بيحصل
مالك بس يا حبيبي ..انا سبت الولد نام في أوضته 
بعد ما هدي واطمن انك هترجعله القطه 
وفضلت مستنياك في اوضتنا
دي مش أوضتنا ولا شقتنا أساسا
يعني ايه انت بتهزر
لا مش بهزر ..وهثبتلك أهو
فتحت الدولاب وانا بقولها فين بقى هدومي 
حاسب يا أشرف
قبل ما تكمل تحذيرها الست المدبوحه 
كانت واقفه جوه الدولاب وشدتني 
بسرعه وقفلت علينا الدولاب
حسيت الدنيا لفت بيا ونفسي ابتدا يتخنق مع ضربات قلبي المتسارعه
صړخت بصوت عالي وانا بقول ألحقوووونااااي
حبيبي ..حبيبي أصحي ..اصحى يا أشرف
فتحت عيوني ولقيتني نايم في أوضتي 
ومراتي جنبي
مالك في ايه
كابوس ..كابوس مخيف أوي 
طيب أهدى يا حبيبي
ثواني هجبلك مايه من التلاجه
خرجت وفضلت مستنيها ترجع
لكنها اتأخرت ..قلقت عليها
خرجت وروحت أشوفها ملقتهاش
فتحت التلاجة عشان أشرب واټصدمت
لما لقيت دماغ الست المدبوحه جوه التلاجه
قفلت التلاجه بسرعه
ومراتي ورايا بتقولي انا جبت لك المايه أهو
لسه بلتفت وبقولها كنتي فين
لقيتها واقفة من غير دماغ
لساني أتشل ومقدرتش أنطق
قالت بصوت معرفش ايه مصدره 
مالك 
شاورت ليها وانا خاېف
ااااه قصدك دماغي