قصه جميله
المحتويات
وهي بتتكلم مع حد
وقفت مكاني وقررت أبص من فتحة المفتاح
ولقيت مراتي قاعده قصادي ..وقدامها
بنت قاعده قدامها ..بس مدياني ضهرها
نفس جسم وفستان وتسريحة شعر بنتي مريم
طب ازاي ..هي مريم رجعت تاني للحياة
في أموات بيرجعوا
ملك قالت يلا يا بابا ..افتح عايزه العب مع أختي
ششش وطي صوتك يا ملك
بعدها فتحت الباب مرة واحده ولما دخلت
لقيت مراتي قاعدة لوحدها في الأوضة
حبيبي انت ايه اللي صحاك دلوقت
هي راحت فين
هي مين
مريم
مريم !! انت ايه اللي بتقوله دا يا علي
بقولك مريم راحت فين
انت أكيد أتجنت مش كدا
ملك فضلت ټعيط ومامتها حضنتها وقالت
ينفع كدا خضيت البنت
البنت اترمت عليا وفضلت ټعيط
اخدناها ونيمناها في سريرها
دي خيالات أطفال انت أزاي تصدق حاجه زي دي
ايوه وانتي بتعملي ايه عندك في المكتب في الوقت دا
مفيش قلقت ونزلت أقرى في كتاب
على ما يجي لي نوم كنت هطلع
لمحت مكتوب على غلاف الكتاب
حاجه عن الأرواح
ايوه بس انا شوفت ...
شوفت ايه
مش عارف ..انا تعبان ومخڼوق و..
في ايه بس فهمني
مريم وحشتني أوي يا أسماء
حطت ايدها على شعري وقالت
معلش يا حبيبي ..ربنا يرحمها ويصبرنا على فراقها
فات أسبوعين وفي ليلة كنا بنتفرج على التليفزيون
انا ومراتي في الصالة وطافيين النور
وفي نص الفيلم ..لقيت مراتي راحت في النوم ع الكنبة
حسيت بالعطش قومت اجيب مايه من المطبخ
بعدها سمعت صوت أنفاس متسارعه
في حد موجود معايا في المطبخ
كان في ترابيزه في نص المطبخ ..عليها مفرش
نزلت على ركبي وقربت من مصدر الصوت
واللي بدأ يهدأ بالتدريج ..ولسه هرفع
المفرش ..سمعت مراتي واقفه ورايا وبتقولي
بتعمل ايه عندك يا علي
سبت المفرش وانا بقولها ..ها لا مفيش
عيني غفلت وانا بتفرج ع الفيلم ولما فتحت
ملقتكش جنبي
انا جيت اشىرب
طب ممكن شوية مايه
ثواني هجيبلك
وانا بملا الكوبايه ..مراتي قعدت ع الكرسي
اللي قدام الترابيزة ..وبعدها
قولتلها اتفضلي ..خدت تشرب وقعدت قصادها
نتكلم شوية ..وكانت بتقولي ايه رأيك
لو نقلنا التلاجه من هنا وحطيناها في الزاوية دي
ايه رأيك مش كدا أفضل
بصيت ناحية التلاجه
متابعة القراءة
