التحاليل

ناقص انك تطرديني من بيتي انا عارفه المكر بتاعك بتتمسكني لحد ما تتمكني مش كفايه انك معيوبه ومش بتخلفي ابني هيطلقك خلاص ويريحنا منك
مروان پبكاء كفايه بقى يا ماما حرام عليك وعشان ترتاحي يا ماما ابنك هو اللي معيوب ومش بيخلف مش روح اللي انت ظالماها روح قالت على نفسها كدا عشان انا متوجعش بس الحقيقه يا ماما ان ابنك هو اللي عنده مشكله مش روح ابنك مش مكتوب ليه انه يخلف لا من روح ولا من غيرها عرفتي بقى الحقيقه يا ماما انا لو كملت مع روح هكون اناني وبظلمها هي اللي من حقها تبقى ام وتشوف حياتها مع راجل تاني يستاهلها وناس تقدرها مش حد يظلمها ويعايرها من غير سبب يا ماما احنا ظلمنا روح معانا وهي استحملت كفايه عليها لحد كدا
الأم بصدممه انت بتقول ايه يا مروان
بقول الحقيقه يا أمي كلمي خالتي وقوليلها مروان ابني طلع مش بيخلف شوفي لبنتك راجل كامل غير ابني
اكيد في حاجه غلط انت عرفت الكلام دا منين
نظر مروان لروح بعتاب ثم قال كنت رايح بعد الشغل اجيب نتايج التحاليل اللي روح سابتها عند الدكتوره لأنها قالتلي انها ضاعت منها روحت وبالفعل لاقيتها هناك وسألت الدكتوره هو مافيش حل قالتلي للأسف العلاج اللي انت كنت بتاخده مأثر عليك ومش هتقدر تخلف طبعا اڼصدمت وبان عليا سألت الدكتوره وقولتلها هي المشكله عندي انا قالتلي للأسف انت مش هتقدر تخلف مش دي الحقيقه اللي دارتيها عليا يا روح وبسببها امي مقدرتش تستنى يوم وراحت تخطب ليا 
......
ساكته ليه يا روح ما تردي
انا بحبك يا مروان مش عايزه ابعد عنك انا مش عايزه اخلف انا بس نفسي اكون جنبك لآخر نفس فيا
وانا لازم اطلقك عشان مظلمكيش اكتر من كدا 
بالله عليك ما تقول كدا انا مقدرش استغنى عنك وانا واثقه انك عمرك ما كنت هتسنغنى عني وكنت بتحاول تفرحني بدليل رسالتك اللي كتبتها ليا احنا ملناش غير بعض وهنروح نكشف عند الدكتور اللي قولت عليه ولو مافيش حل هنتبنى طفل نربيه مع بعض بس اعيش معاك واخر اليوم انام وانا مطمنه انك جنبي بالله عليك ما تكسرني يا مروان 
انا مش عارف اقولك ايه يا روح انا مقدرش اعيش من غيرك ولا ثانيه بس انا مش عايز اظلمك انت من حقي تكوني أم 
ظلمك ليا في بعدك عني ولو بعدت عني كدا حكمت عليا بالعڈاب والمت انت فضلت طول السنتين اللي فاتو محترمني ومقدرني وبتهتم بيا وبسعادتي كنت سندي ومعايا دايما عمرك ما نيمتني زعلانه حتى لو انا اللي غلطانه وعمرك ما شكيت مني لحد أو دخلت حد بينا