لقاء الاحبه

ايه و مالك بټعيطي ليه..
حكيتله الي حصل وهو مشكورا وافق انه يوصلني للمستشفى وصلني و لقيته داخل معاياا المستشفى..
_انت رايح فين..هو انت مش هتروح..!
لا مش هروح انا هستناكي عشان اروحك عشان ما ينفعش تروحي لوحدك في وقت زي ده..
هزيت له دماغي من غير ما اتكلم لاني بجد مش قادره اني اتكلم واتناقش في حاجه دلوقتي..
دخلت و سألت ع رقم الاوضه و طلعت لقيت سجده قاعده ع الكرسي و بټعيط جربت عليها وانا بحضنها..
_سجده اهدي ان شاء الله طنط صفاء هتبقي كويسه..
يارب يا آيات يارب..!
مش عارفه فضلنا ع الوضع ده قد ايه لحد ما الدكتور خرج و قالنا انها عندها هبوط حاد في الدوره الدمويه و السكر عندها مش متظبط و قال انها هتبات النهارده في المستشفي لحد ما يطمنوا عليها..
دخلت اطمنت عليها و سلمت ع سجده و استأذنت عشان مش هعرف اتأخر اكتر من كده و هما عذروني وونس خرج معايا كل ده من غير ما يتكلم ولا كلمه 
وصلني ونس لحد البيت و قبل ما اطلع قولتله..
_انا متشكره اوي بجد مش عارفه اشكرك ازاي.. تعبتك معايا يا ونس..
ولا تعب ولا حاجه اتعبيني انتي بس علي طول و مالكيش دعوه..
ابتسمت وانا بقول_عن اذنك عشان هطلع بقاا..
مشيت وقبل ما اطلع لقيته بينده علياا..
آياات..!
_نعم!
انتي جميلة اوي..
كان بيقول كده وهو بيبتسم و ياريته ما ابتسم اول مره الاحظ ان عنده غمازات ولاول مره معرفش ارد ابتسمت باحراج و طلعت جري دخلت البيت براحه و حمدت ربنا ان مفيش حد صحي لسه و دخلت اوضتي و اترميت ع السرير بتاعي بارهاق بعد التعب الي شوفته ده كله بس بصراحه ابتسمت وانا بفتكر كلمه ونس يا تري يقصد ايه..!
بجد ايه خطڤ القلوب الي في ثانيه ده اجدع ...
معقوله في حد بيفرح بكلمه زيي كده..!
فضلت افكر لحد ما تعبت و نمت
صحيت الصبح وانا بجد مش حاسه بجسمي من كتر التعب دخلت اخدت شاور و صليت و بعد كده نادوني عشان الغدا و انا قاعده باكل ماما قالت كلمه حرفياا خلت الاكل وقف في زوري وهي بتقول بصرامه..
خرجتي بعد الفجر روحتي فين يا آيات..!
قاعده باكل ماما قالت كلمه خلت الاكل يقف في زوري من الصدمه لما قالت..
خرجتي بعد الفجر روحتي فين يا آيات..
ما تنطقي..
_والله يا ماما سجده جاتلي و قالتلي ان طنط صفاء تعبانه اوي ف روحت معاها عشان اشوفها..
سجده..سجده تاني انا مش قولت مالكيش علاقه بالبنت دي تاني قولتلك ولا لا...
_ مالها سجده يا ماما يعني مش فاهمه سجده إنسانه كويسه اوي علي فكره...
انا قولت الي عندي و بعدين انا قولتلك ما ينفعش تصاحبي حد ركزي في مذاكرتك وبس فاهمه..
اتكلمت بعصبيه مماثله..
_يوووه مفيش غير مذاكره مذاكره كل اما اكلمك تقوليلي ادخلي ذاكري كل ده ليه عشان ادخل طب الي انا مش حباه اصلا طب اي رأيك بقاا اني مش هدخل طب يا ماماا حتي لو جبت مجموعه...!
اخرسيييي.. 
في ثانيه و كانت ضړبتني بالقلم علي وشي من قوته كنت هقع ع الارض..
آخر كلام عندي يا آيات والله لو عرفت انك كلمتي البنت دي تاني أو كلامي ما اتسمعش مش هتعجبك رد فعلي حتي لو وصلت اني اسحب منك الموبايل هعملها و بعد كده مفيش خروج من البيت غير الدروس مفيش خروج من اوضتك اصلا حتي الأكل هتاكلي لوحدك و هتقعدي تذاكري ڠصب عنك فاهمه ولا لا..!
قالت كده و دخلت اوضتها وانا فضلت قاعده مكاني مش عارفه اعمل ايه و عماله ابص لي بابا الي ما قالش كلمه و لا علق علي اي حاجه..
سبتهم و دخلت اوضتي وانا ببصلهم بۏجع...
دخلت اوضتي و قعدت اعيط..
انا بجد تعبت من كتر العياط و ما بقتش عارفه اعمل ايه..
فضلت قاعده في اوضتي لحد ما الساعه جت تمانيه و قومت لبست عشان عندي درس وانا مقرره اني هعمل حاجه النهارده..
خرجت و قولتلهم اني راحه الدرس و مشيت من غير ما اسمع ردهم..
مشيت وروحت قعدت عند البحر مكاني المفضل الي بستريح فيه لما الدنيا تضيق بياا باجي هناا فضلت قاعده اعيط واشكي همي