فين مدير
المحتويات
_ فين مدير المخروب دا أنا هقفلكم أم البنك دا النهارده يا عالم يا ڼصابين
اقعد بس يا افندم وبلاش صياح بنك ايه اللي هتقفله هو محل كشړي
_ فين مديرك يا آنسة دخليني للمدير حالا
المدير بتاعنا مبيقابلش عيال لما تكبر هيبقى يقعد معاك
_ انا كلمة كمان وهنسى انك بنت
متقدرش يا افندم لإني ساعتها هجيبلك الأمن يفرشك على الأرض ويمسح بكرامة حضرتك البلاط
حضرتك اللي عصبي بس يا افندم ممكن تترزع عشان نتفاهم
_ نعم !
اتلقح يا افندم بقى انت مش عندك مشكلة انا هتنيل احلهالك
_ اقعد فين
هتقعد على حجري يعني يا افندم اترمي على الكرسي اللي قدامي دا بلاش غباوة
_ حاااضر اللهم طولك يا روح
ها بقى مشكلتك ايه يا استاذ وليد
_ وكمان عارفة اسمي
ايوه طبعا هو فيه حد بييجي ينهقلنا في الفرع كل شهر غيرك الكريدت كارد برضو مش كدا
ما هي دي متأخرات يا استاذ وليد سدد في ميعادك واحنا منخصمش منك حاجة يا بابا
_ يعني واحد اتزنق ومقدرش يسدد فيها ايه لما تستحملوه شهر وللا اتنين
لا الكلام دا لما تكون سالف من خالتك يا استاذ وليد دا بنك
_ طب وانا اعمل ايه بس الحياة هي اللي عمالة تغلى
_ نعم
أيوه داخل في مسابقة مع مرتبك مرتبك يزيد تزود معاه مصاريفك
_ انتي بتسمي ال 4000 جنيه دول مرتب
وايه اللي زانقك في حياة الموظفين دي ما فتحتش مشروع مستقل ليه
_ منين يا آنسة أقل مشروع محتاج راس مال ميقلش عن ربع مليون جنيه
_ هحوش ربع مليون منين يا آنسة انتي مغيبة
تعالى نحسبها بالورقة والقلم انت پتدخن
_ اه
بتشرب كام علبة سجاير في اليوم
_ علبتين تقريبا
بقالك كام سنة
_ بقالي 20 سنة
طبعا السجاير سعرها كل يوم بيتغير نحسب على متوسط السنين كلها ونقول ٣٠
_ مثلا
في علبتين يعني ٦٠ جنيه في اليوم في ٢٠ سنة يعني ٤٣٨ ألف جنيه سجاير بس
ومهبب ومهبب يا استاذ وليد بتقعد على القهوة
_ في الاجازات بس يعني يوم الجمعة والسبت
بقالك كام سنة بتقعد على القهوة
_ من وانا في الثانوي عايزة الرقم كله وللا نحسب من اول ما اشتغلت
لا كله .. كله يا وليد
_ يعني 30 سنة مثلا
بتصرف كام كل أسبوع
_ من 70 ل 100 جنيه
هنعمل حساب غلا الاسعار ونحسب على المتوسط 50 جنيه في الاسبوع يعني 200 جنيه
متابعة القراءة
