ي انسه

كان نفسى يبقى عندى صاحبه وتبقى بيست ليا 
وتعد ليا لسه كام يوم ع عيد ميلادى،  تهتم بتفاصيلى،  ننكد ع بعض نهزر لنص الليل  ،  الدنيا صعبه  من غير صحاب  صعبه اووى 
الوحده هتقتلنى في يوم وخاېفه  من اليوم دا لان حتى في موتى هكون لوحدى.

- مبتختاريش صح، لسه طفله في اختياراتك، لسه هتنضجى وتتعلمى، لسه بدرى عليكى 

- مش فاهمه 
- الشمعه هتخلص اتمنى امنيه يلا..
- غمضت عينى واتمنيت نفس الامنيه ان يكون ليا صحاب.
- اتمنيتى ايه؟ 
- لو قولتلك مش هتتحقق 
- وهيا اتحققت  السنين اللي فاتت؟!، لو اتحققت مكنتش هبقى موجود، ع العموم مش عايز اعرف.
اتمنى دلوقت امنيات  بعدد عمرك وانا هحققها..
- ابتسمت... هتحققهم بجد!! 
- ابتسم بجد 
- طيب اول حاجه عايزه اكل فشار 
- ونسمع فيلم كمان

روحنا  سمعنا فيلم وكلت فشار  وجريت في الشارع وانا بضحك زي ما بتمنى.
- مش غريبه الامنيه دى...؟ 
- ليه دى جميله هيبقى شكلنا حلو واحنا لابسين زي بعض!

دخلت ولبسنا زي بعض واتصورنا  كنت فرحانه وبضحك معرفش هوا مين بس حسيت انى لازم ابقى سعيده المره دى ومسيبش عقلى يفكر كتير في المنطق

- هاا بقى قولى كلمه ليا...
- يابنتى ايه اللي دخل دا في الامنيات 
-  ضحكت قول بس 
- ضحكتك.. 
- استغربت..  مالها؟؟؟
- حيااه 
-...
- هاا الامنيه اللي بعدها؟؟

امنيه ورا امنيه بتتحقق والوقت بيعدى امنيات بسيطه بس بتفرحنى  ، زي انى اجيب بلونات واطيرهم في السما، ، وانى اشترى ورد ازرق،  حد يكتبلى ورقه ويديهالى،  وحاجات بسيطه تانيه بتفرحنى

لأول مره اكون مدركه ان اللي كانوا في حياتى مش صحاب، انا بس اللي كنت شايفاهم كدا، شايفاهم من عينى انا بس، وللاسف عينى بتحليهم دايما، وانا اللى بدفع التمن في الاخر وبتنسى.... .

اليوم كان حلو، كان حلو لدرجه انى اول مره اكون متحمسه لعيد ميلادى الجاى.

- عارف...
-  حابب اعرف احكى...
- انا مبسوطه اووى  ومرتاحه  وحاسه انى بملك الدنيا حواليا حاجات متلغبطه بس الاهم انى فرحانه، لاول مره احب عيد ميلادى 
لقيته بص ليا كتير وهوا مبتسم  وبعدها اتكلم..
- هاا اخر امنيه؟؟
- ابتسمت... بتمناك ♥