سكزه
بس أتمنى الصدفه تجمعنا تاني
أول مرة أشوفة في الجامعة
بس نبرة صوته كانت مليانة حزن شخص وحيد مالوش حد
لازم يبقى حزين كدا
الوحدة حلوة بس أوقات بنحتاج حد معانا في الوحدة دي
نحتاج حد واحد نجري عليه نشكيلة نعيطلة
شخص واحد بس وتقريبا رحيم معندوش الشخص ده
مشيت وحطيت سكرة في الشنطة تاني علشان اخرج من الأمن
وحاجه مهمة
فوقت على حد بيخبطني في كتفي
نسيتيني ي ست بحر
ضحكت وحضنتها
حقك عليا والله بس كنت عايزه أجيب سكرة قبل ما رحيم
يمشي
رحيم مين
اتكلمت وانا بمسك أيدها وبمشي
إلي كان معاه القطة ي عسل
عرفتي اسمه ياترى هتسموا العيال ايه
تقريبا طيرت من قدامها بعد ما ضړبتها على كتفها
شركة أنا ورحمة
بس رحيم لسه في بالي ودايما بدعيلة ربنا يعوضة
عن أي شىء وحش شافه وحقيقي مش عارفه ليه بعمل كدا
بحر المدير عايزك
اتنهد واتكلمت بالعافية لأني تعبانة
متعرفيش عايز ايه ي رحمة
حركت كتفها دليل على عدم معرفتها
المدير سمحلي
تحت أمرك يا فندم
بحر إبن أخويا هيجي انهاردة علشان يشتغل لأنه هو إلي
هيمسك الشركة بعدي ف أتمنى تبقي معاه لانه محتاج سكرتيرة
وأنا رشحتك
ابتسمت بامتنان له
ينور ي فندم
استأذنت ومشيت صعب عليا وهو بيتكلم والحزن کسى ملامحة
أستاذ حسن مدير الشركة ومعندوش أولاد ده الي الكل هنا يعرفه
كملت شغل لحد ما مستر حسن بعتلي وعرفت أن ابن أخوه موجود
أيوه ي مستر حسن
تعالي ي بنت أعرفك رحيم أن أخويا
رفعت عيني ولقيته هو رحيم اتكلمت بدون وعى
حرامي القطة
لقيت عمه استغرب ورحيم ضحك
احم انا اسفة اهلا ي استاذ رحيم
ابتسم
_ اهلا ي آنسه اتمنى يبقى شغلك كويس زي ما عمي بيقول
معاه
بحر رجعي الملفات دي
بحر هتيجي معايا مقابلة للشغل في مطعم تجهزي
بحر هاتي قهوة
بحر جهزي الورق ده للإجتماع
شهرين شهرين شغل بس مش بعمل حاجه غير الشغل
تعبت دخلت المكتب وأنا متعصبة
ابتسم.
صباح الخير ي بحر د
الي هو عايزه
اتنهدت
مستر رحيم لو سمحت ممكن اخد اجازه يومين بس لأني تعبانه
وقف وقرب مني شويه واتكلم بقلق
_ مالك نروح للدكتور
تغاضيت عن لهفته الي واضحه في صوته وقلبي الي دقاته ذادت واتكلمت
لا بس ضغط شغل وحقيقي محتاجة الأجازة دي وكملت برجاء ممكن
سكت شويه وراح قعد مكانه واتكلم
_ تمام انهارده بس
حاولت اعترض
بس ي
قاطعني
_ انهارده بس ياكدا يا مافيش
بصيتله بعصبية وخرجت من الشركة كلها
محتاجه افصل شويه فضلت اتمشى بلا هدف لحد ما تعبت وقعدت
قدام واحد بيبيع درة مشوي اشتريت واحد ورجعت مكاني تاني
افتكرت أول مرة
أشوف رحيم ابتسمت وتلقائي دعتله
إن ربنا يجبر بخاطرة ويوفقه
_سكرة عامله ايه
كان صوته واقف قدامي أيده في جيبه مبتسم نزلت عيني
ورديت
كويسة
قعد جمبي بس فيه مسافه
_ تعرفي أن كنت بدعي أشوفها من أخر مرة أصلها لطيفة
أكلت من الدرة وبعدها رديت
ممكن أجبها لحضرتك بكرة الشركة
_ ضحك وهتحطيها في الشنطة تاني
ابتسمت للذكرى هو تقريبا مش بعمل شىء في وجوده غير أني
ابتسم
لا مأنا هجيبها للمدير فمحدش هيتكلم
قام وقف بحماس
_ أنا عايزها معايا دايما
هنا رفعت راسي بصتله واتكلمت باستغراب
دايما ازاي يعني
اتكلم ومازال محتفظ بابتسامته
_ يعني أجي من الشغل تستقبلني بابتسامة لطيفة شبهها
نتكلم سوى
مش بقولك كنت بدعي بيها من اخر مرة شفتها
سألته وقلبي دقاته عاليه لدرجة أنه ممكن يكون سامعها
دي سكرة
رد لصوت هادي وثقة محب
لأ صاحبتها
قاعدين في البلكونة بيحكي عن يومه بما اني سبت الشغل
الفترة دي علشان حامل
_ وبس ي حبيبي هو ده الي حصل في الشغل
قولي بقى الاستاذ يونس عامل ايه
ابتسمت وانا بحط ايدي على بطني خلاص خلال شهر
ويونس يشرف
كنت بحكيله عن حرامي القطة
ضحك
_ بردوا حرامي
ضحكت وميلت على كتفة
طب والله حرامي قمر
بحر_رحيم
أمنية الجزار بحر
