ام نضاره

 انا مستحيل اتجوز ام نضاره دي بتهزري يا تيتا ....كامله
_اياد دي بنت خالتك ولازم تتجوزها
_لا طبعا يا تيتا ...انتي عارفه اني مبطقهاش
_ولا هي كمان طيقاك يبني بس هنعمل اي
_من غير كلام الغي يا تيتا الجوازه دي
_بصي يا اياد ايمان بنت خالتك لازم تكمل دراستها عندكم عشان بيتكم قريب من جامعتها !
_بسيطه تيجي هو انا قولتلها لا

_ما ينفعش تقعد معاك انت و اخوك في بيت وانتوا لوحدكم و كمان انتوا محتاجين واحده تساعدكم في البيت ...بدل ما انتوا قاعدين من غير واحده كده
_يا تيتا احنا مرتاحين كده من غير واحده ....علي اساس أن نضاره دي هي اللي هتعدل الكون كله
_لا طبعا ايمان شاطره و هتعرف تساعدكم و هتبقي مراتك يعني هتقعد معاك في اوضتك واخوك في الاوضه التانيه
_علي اساس هي هتعرف تعدل من شغل البيت و دراستها !
_اياد هي في سنه تالته جامعه و طبعا هتقدر تعمل شغل البيت هي شاطره جدا و كانت شايله بيتهم علي كتافها يعني تقدر تشيل شقتكم دي عادي
_ب بس يا تيتا ا
بصتله و ابتسمت بخبث _لو مش موافق هجوزها ياسين اخوك عادي
_نعم !ياسين و ايمان مستحيل !
بمكر_لي بقي انت و اخوك الفرق بينكم سنتين بس هو اها لسه في اخر سنه في الجامعه بس مش مشكله هو كده كده بيشتغل مش هيحتاج حاجه و هيصرف عليها عادي
_لا طبعا مستحيل ده هيحصل خالص
_ما انا مش فاهمه انت عايز اي دلوقتي قولي كده انت عايز اي مش موافق انك تتجوزها ولاموافق أن اخوك يتجوزها !
_لا ما انا فعلا مش هتجوز ام نضاره دي
_خلاص يبقي ياسين هو اللي يتجوزها !
_لااااا طبعا ..انا موافق خلاص و امري لله .
_ايوه كده ما كان من الاول !
اياد الشافعي عنده 26سنه خريج فنون جميله بيحب الرسم جدا ابن خاله ايمان البطله عندها 21سنه مجنونه قراءه بتحب القراءه جدا بشكل لا يوصف عشان كده لبست النضاره.
_ها يا ايمان موافقه علي اياد
_اها يا ماما اكيد موافقه
_ده اخر كلام
_احم اها اخر كلام
_طيب يبنتي ربنا يتمملكم بخير
_حبيبتي يا ماما تسلميلي
_انتي كده هتعيشي معاهم في القاهره عشان تبقي قريبه من جامعتك ...ده السبب الأساسي في جوازكم
_يعني اياد مش موافق يا ماما !!
_لا طبعا يا حبيبتي انا كنت بكلموا وهو بنفسوا طلب ايدك و موافق
_بجد يا تيتا
_اها طبعا يا حبيبتيو كان فرحان و مبسوط جدا
كانت واقفه و متوتره اوي هي عارفه اياد كويس كانت وعي صغيره بتلعب معاه ..هي وافقت عشان تبقي قريبه من الجامعه ..عشان زهقت من انها تحضر محاضرتها متاخره ..دايما شايفه انها هنتجوز جواز تقليدي صالونات ..مش مقتنعه بالحب اللي قبل الجواز دايما شايفه ان الحب بيبقي بعد الجواز مش قبله عشان ربنا يرضي عليها مش زعلانه انها هتتجوزه عادي هو ابن خالتها واكيد مش هيزعلها
إيمان بعد يومين اياد جه هو و يايسن و تيتا ...تيتا تبقي ام ماما اياد ملهوش غير ياسين و تيتا و احنا باباه عمل حاډثه و ماټ ...مامته من الصدمه مقدرتش تكمل وشهرين بعده و ماټت كانت بتحبه و متقدرش تعيش من غير والده .
بعد كتب الكتاب باركلونا و مشيوا وجه اياد وقف جنبي وابتسم
_مبروك
ابتسمت بتوتر_ا الله يبارك فيك
في الوقت ده يايسن دخل وجه وقف قصادي وهو بيضحك
_مبروك يا ايمي و بقيتي مرات اخويا فاهمي نظمي راسمي
ضحكت _الله يبارك فيك يا ياسين ..عقبالك
_حبيبي تسلم ههه
كان بيمد أيده عشان يسلم عليا كنت لسه هقوله مبسلمش لقيت اياد مد أيده و سلم عليه
_منجلكش في حاجه وحشه
_هههه اي يا عم هو انا جاي عزاء ..سيبني اسلم عليها
ابتسم بسماجه_بس ايمان مبتسلمش يا خفيف
_والله بجد مكنتش اعرف
_واديك عرفت يلا يا بابا
_ماشي اعم انا نازل يلا هات مراتك وانا راكب العربيه عقبال ما تيجوا ورايا خلينا نلحق نروح بيتنا
_ماشي يلا انزل يا اخويا
ياسين نزل وانا و اياد سلمنا علي ماما و بابا و تيتا و نزلنا ورا ...نزل اياد وفتح الباب عشان يركب جنب ياسين اي ده هو مش المفروض انه يركب جنبي !!
_اي يا عم رايح فين
_هركب
_تركب فين !روح اركب جنب مراتك !!
_مراتي !لي بقي