الجزء كامل
قبل فرحي بشهر كنت بعمل الكشف الصحي ما قبل الزواج انا وخطيبي وحب عمري
كنت فاكره الكشف هيبقى شيىء روتيني وكدا
ولكن بالصدفه اكتشفنا ان فيه دكتورة واخده التكليف جديد وماشيه كل حاجه بالخطوات والقانون وبتراعي ربنا ف شغلها
برغم استعجالنا إلا إننا استسلامنا للأمر الواقع وروحنا كشفنا
جه دوري فالكشف
» ممكن تعملي التحاليل دي وتجيلي تاني؟
: تمام ماشي هوا فيه حاجه يعني ولا ايه؟
» لا متقلقيش مفيش حاجه
دي اجراءات تبع الورق بس
طلعت من اوضة الكشف وروحت انا وخطيبي ونعمل التحاليل، سحبت العينة وبعدها ب ربع ساعه النتيجة طلعت
لقيت دكتور التحاليل جي مبتسم
: الله يبارك فيك بس انا لسه آنسه
• يا انسه دا انتي حامل
رديت بضحك وهزار على طريقه: ماشي هات التحليل
لقيت خطيبي اتكلم بأنفعال
"انت بتتكلم بجد اكيد التحاليل اتبدلت او حصل حاجه تاني
•يافندم انا متأكد 100٪ انها تحاليلها
اتكسر بخاطري من اقرب حد ليا
ملقتش حد حتى حاول يقومني من مكاني
قومت من مكاني ومشيت لحد البيت وكأني مغيبه، وصلت البيت بأعجوبة
نمت يوم كامل وكنت بتمنى اني اصحى من الکابوس دا
او لو كان حقيقه اموت مش عايزه اعيش تاني خلاص
صحيت على صوت زعيق فالبيت
خطيبي كان بيزعق ل بابا وعايز ياخد الدهب
انا اتكلمت بحاول افهم : فيه ايه؟!
"ما بلاش اقول فيه ايه ولا الحج عارف!
" لا ماهو مبقاش فيها فرح خلاص،
~اخرص انت اټجننت وافتكر انك كنت ھتموت بس عشان تخطبها
اسمع يا واد انت، انت تاخد دهبك وحاجتك على الجزمه مش عشان انت عندك حق بس ما يشرفناش انك تطول تبقى جوزها.
وخليت الناس فالبلد ماشيه تتلفت عليا وتتكلم عليا ف ضهري ومكنتش عارف السبب.
اعمل حساب العِشره والعيش والملح.
اعمل حساب الاصول
واعمل حساب انك بتتكلم ف شرف وعرض بنت
"عايز حاجتي
فعلا اخد حاجته ومشي لقيت ابويا بصلي وقالي هوا ايه اللي حصل
~انتي متأكده ان الدكتور قال انك حامل؟ ورجعتي للدكتوره ولا لا؟
: هوا متأكد اني حامل بس ما رجعتش للدكتوره تاني
~طيب تمام بكرا هنروح للدكتوره دي
في تاني يوم.......
يتبع......
بقلم ک: ونس" رُقية "
