رساله واتس
المحتويات
جاتلي رسالة على الواتس اب الساعة كانت واحدة بعد نص الليل وكنت لسه يا دوب هنام.
الرقم مش متسجل بس مش غريب عليا.. فتحت الرسالة لقيت ڤويس حوالي ٧ دقايق!!.
شغلته وسرعت الصوت علشان انجز .. بعد ما خلصت حسيت اني مش فاهم حاجة رغم اني ركزت في الكلام عيدته كذا مرة بنفس السرعة ومافيش فايدة علشان كدا قررت اسمعه بصوته الطبيعي ولما خلصته .. حرفيا دخلت في هيستريا من الضحك فضلت اضحك بصوت عالي .. اضحك واضحك لدرجة ان ولادي ومراتي صحيوا من صوت ضحكاتي.
شاورتلها تسمع الڤويس وللمرة العاشرة سمعته معاها وكانت كالآتي
_ ايه يا ابراهيم انا موسى الشناوي .. بتصل بيك يا عم موبايلك مقفول ليه.. عموما انا بعتلك الرسالة دي علشان اقولك اني هخلع من ام الشقة الي جبتهالي دي يا عم.
بعد ما كلمتني عليها ركبت تاكسي ونزلت قدامها.. عديت الشارع الي كله عربيات رايحة جاية بسرعة رهيبة
وصلت العمارة على ١١ بالليل.. لقيت واحد قاعد مربع على دكة قصاد العمارة .. اسمر ولابس جلابية بيضا وماسك لي شيشة محطوطة قدامه .. ريحة فايحة منها .. مهتمتش اوي وقولت اكيد البواب.. اول ما شافني قام وجيه عليا وقالي بلهجته الصعيدي
هزيتله راسي وانا مبتسم.. كنت تعبان ولسه جاي من البلد مانت عارف.. سيبته وجيت علشان اطلع لقيته بيمسكني من ايدي وبيقولي بصوت واطي
_ خلي بالك من الولية اللي ساكنة جصادك .. اسمها مروة.. دي ولية مخلولة .. كل يوم بالليل تصحى تصرخ كن حد جتلها جتيل .. اوعاك تسمعلها.. اوعاك .
علشان اهاوده واطلع قولتله ماشي .. ماتقلقش.
كان راجل في التلاتينات لابس بدلة سودة وجزمة متلمعة وحاطط تحت باطه دوسيه.. ركب معايا وهو بينهج شكرني وبدأ يعرفني بنفسه
_ اهلا .. انا رامي عبدالوهاب المحامي .. ساكن في الدور التالت .. شكلك الساكن الجديد .
_ اه .. انا .
قالي قبل ما الاسانسير يقف عند الدور التالت
_ انا شوفتك واقف مع عمارة البواب.. احسن لك بلاش تقف معاه تاني .. ده راجل قليل الادب وبتاع حشېش .. انا مطلعه من تلات قضايا تعاطي والمعفن مدانيش حتى سندوتش طعمية .. شكلك شاب محترم
وهادي
متابعة القراءة
