روايه أمى

امي لما عرفت اللي بعمله مع خطيبي 
دي مشكله جت لينا علي رسايل البيدج 
والام طلبت مني اعملها قصه بدون ذكر اسماء فغيرنا في الأسماء
وقبل ما نبدأ حكايتنا اعرفكم على بطلتنا اسمها عبير عندها 23 سنه عايشه مع امي وابويا
وفي يوم لقيت امي بتقول لابويا
بقولك ايه يا حسن ماشوفتش السلسلة بتاعتي كنت حطاها على الكومودينو اللي جوه ده

حسن
انا لا شوفت سلسلة ولا حاجة يا فايزة اطلعي من نافوخي دلوقتي انا مش ناقصك
فايزة
مالك ياراجل الله انا بسالك مجرد سؤال هو في ايه وبعدين السلسلة هتكون راحت فين يعني ده مفيش حد بيدخل بيتنا ده
حسن
طيب ما تسالي بنتك يا وليه انا مالي
ودخلت فايزة لعبير في اوضتها اللي اول ماشافت امها خبت حاجة فايزة قالت
فايزه 
بت يا عبير انتي خبيتي ايه يابت دلوقتي لما انا دخلت عندك
عبير
انا انا ااا مخبتش حاجة هخبي ايه يعني انا ولا حاجة ياماما مفيش
فايزة
امممم طيب فين السلسلة بتاعتي اطلعي بيها يابت دلوقتي حالا
عبير
سلسلة سلسلة ايه دي ياماما انا ماشوفتش حاجة خالص والنبي انا زهقانة وتعبانة عشان خاطري ياماما سبيني
فايزة
هو انا اكلم ابوكي يقولي ابعدي عني عشان زهقان وانتي تقولي لي ابعدي عني عشان زهقانة انتو ايه حكايتك انتي وابوكي انا مش عارفة
عبير
ولا حكاية ولا روايه بس انا زهقانة من الشغل ومشاكله وقرفه ومش عايزة حد يتكلم معايا عشان بفكر اسيبة
فايزة
تسيبي ايه يابت عايزة تسيبي الشغل ليه أن شاء الله ولما تسبيه احنا هنصرف بقا وانتي عارفة ان مرتب ابوكي بيكفي بالعافيه
عبير
طيب وانا مالي بس انا نفسي ابقي زي البنات اللي بتروح وتيجي وتتفسح براحتنا مش بشتغل وبساعد في مصروف البيت
فايزة
بطلي كلام فاضي يابت ومش عايزة اسمعك بتقولي انك عايزة تسيبي الشغل دي خالص انتي سامعة ولا لا
وسابتها فايزة في الاوضة وخرجت بره
وعبير اتصلت بالتليفون وقالت
ايوة يا وليد انا اخدت السلسلة بتاعت ماما معايا اهي هنبيعها فين بقا
وليد
تعالي قابليني في المكان اللي بنتقابل فيه يلا بسرعة
عبير 
بس مش هينفع اتاخر علشان متحصلش مشاكل 
عندنا في البيت ماما مركزه معايا اوي الفتره دي
وليد 
انزلي بس وبعدين نتكلم مش هينفع كلام في التلفون وبعدها قفل معايا وخرجت وقولت لماما
وعبير 
ماما انا نازلة اقابل البت سهر صاحبتي في الشغل بتاع المصنع هتروح تجيب حاجة مهمة وترجع فانا هاروح معاها
فايزة
طيب روحي ومتتاخريش عشان عندك شغل الصبح
ومشيت عبير راحت الكافيه اللي بتقابل فيه وليد وقالت
عبير 
اتفضل ياسي زفت انت هتبيعها فين بقا وعلى فكرة انا ليا في فلوسها انا بقولك اهو مش انا اسرقها واتعب فيها وحضرتك تاخد الفلوس على الجاهز
وليد
حلوه اوي البتاعه دي وبعدين ماهي امك لابسك دهب حلو اهو يابت اومال عماله بتدعي الفقر وبشتغل وبصرف على امي وابويا
عبير بزهق
اللهم طولك ياروح بقولك ايه خلصني وقولي هتعمل ايه في البتاعه دي انت متعرفش ابويا جايبها لأمي ازاى
وليد
ليه سرقها ولا ايه
عبير
ماتحترم نفسك بقا وبطل كلامك ده انا ابويا وامي مفيش حد في امانتهم
وليد
هاااااو امال انتي طالعة حراميه لمين ياعبير
عبير
ملكش دعوة انت ماهو كان يوم اسود لما كنت بسرق الاكل من السوبر ماركت وانت صورتني وكنت عايز ټفضحني بالفيديو
وليد
ليه بس ياقلبي ما انا شغلتك شغلانة حلوه اهو المفروض تشكريني على النعمة اللي بقيتي عايشة فيها بسببي
عبير
بقولك ايه يا وليد انا مش ناقصة كلامك ده ماشي وتبيع السلسله وتجيب لي الفلوس من سكات انت فاهم ولا لا
وليد
ماشي ياجميل
وسابتة عبير ورجعت البيت وامها قالت لها
انا هتجنن يابت ياعبير مش عارفة السلسلة راحت فين