رنا

انزلي يا رنا افتحي المحل 
حاضر يا ماما
لبست وخدت المفاتيح ونزلت عندنا محل زي سوبر ماركت صغير بتسلى فيه وبيضيع وقتي بس ببقى مبسوطة..
فتحت وفضلت أعده على التليفون لحد ما يجي ناس
لو سمحتي
رفعت راسي وبصيت باستغراب كان شاب شكله نضيف لابس قميص لونه أخضر داكن وبنطلون أسود وشعره طويل ونازل على عينه
فوقت من سرحاني ورديت ايوه اتفضل 

عايز تونة عندك 
اه عندي ثانية واحدة
قومت وقعدت ادور وبدعي جوايا إن يكون فيه عشان متحرجش..
نفخت پغضب وبصتله أنا أسفه بس خلصت 
لبس النضاره ما تقولي من بدري بدل منا واقف كده 
عصبتني طريقته والله معلش يا فندم مكنتش اعرف إنك مبتطقش تقف مستني 
ضحك هدي اعصابك بس 
اعصابي هادية متقلقش
مشي وقعدت مكاني بغيظ مستفز
عدى ساعات ولقيت ماما بتتصل تقولي اودي طلبات
حاضر صحيح مفيش تونة ابقي اشتري 
لا ازاي أنا جايبة هتلاقيها لسه في الكرتونة مشلتهاش 
بجد! طيب ماشي يلا هقفل واروحلها.
حضرت الحاجات وكان من بينهم تونة وقفلت المحل وروحت البيت
طلعت خبطت وفتحت ازيك يا رنا وحشاني معلش تعبتك 
ابتسمت تعبتيني! دنتي تؤمري يسمسم 
ضحكت طول عمرك بكاشة يا رنا ما تيجي تقعدي معايا شوية 
كان على عييني بس ورايا مذاكرة والله 
طب استني هجبلك الفلوس
ابتسمت ودخلت سمعت صوت حد طالع على السلم بصيت برقت كان هو! وديت وشي الناحية التانية وقربت على الباب أكتر عشان اوسعله
عن اذنك
ما تطلع ما قدامك واسع اهو 
ضحك عن اذنك اخش بيتي طيب عندك مانع 
بيت مين أنت متلغبط ده بيت طنط سميرة 
يوسف حبيبي أنت جيت ده ابني يوسف يا رنا
سمعت الكلام وتنحت رجعت لورا بإحراج وأنا بدعي الأرض تنشق وتبلعني
ابنك ازاي انت من ساعة ما جيتي وانت عايشة لوحدك! 
مهو كان مسافر ولسه راجع
خدت الفلوس وشكرتها ونزلت بسرعة قلبي كان هيقف سمعت صوته من ورايا
ما انت عندك تونة اهو 
بصتله اه لقيت بعد ما أنت مشيت حظك وحش للأسف 
أنا حظي وحش ولا انت اللي واقفة في المحل متعرفيش عندكوا ايه 
أنت عايز ايه عايز تتخانق يلا عشان أنا فاضية بصراحة 
ضحكت صبحي على خير يا.. رنا
طلع وأنا نفخت ومشيت روحت كلت ودخلت اوضتي اذاكر عشان كان ورايا تدريب تبع الكلية تاني يوم
فضلت أفكر في اللي حصل بعصبية ونمت أخيرا
صحيت لبست بنطلون جينس واسع وعليه تيشيرت وشيميز أبيض وعملت شعري ديل حصان وودعت ماما وبابا ونزلت 
كان الشارع هادي قولت وأنا ماشية 
ليه الواحده متتجوزش ثري عربي مش يمك...... 
عدت من جمبي عربية بسرعة جدا قلبي وقع
نزل جري بسرعة انت كويسة أنا أسف 
خدت نفسي أنت بتسوق كده ازاي 
أنا مخدتش بالي منك انت تمام 
الحمدلله عن اذنك 
استني انت رايحة فين بدري كده 
رديت بهدوء رايحة الكلية 
تعالي اوصلك في طريقي مش هتلاقي مواصلات دلوقتي
سمعت كلامه وركبت بهدوء استغربه هو! الخضة كانت مسيطرة عليا
ركب واتحرك بالعربية كنت فاكرك هتزعقي وتقولي لا 
كنت هعمل كده بس بعد