اسكريبت
المحتويات
اسفين يافندم بس العدد مكتمل
لا بتهزر صح اكيد بتهزر ده انا كنت مستنيه النهارده بفارغ الصبر
هزلي رأسه بأسف وهو بيقول برسميه اسفين بس حضرتك جايه متأخر ومفيش مكان
ط طب بص مش مهم اقعد انا ممكن اقف عادي بس بليز خليني احضر د ده النهارده عيد ميلادي حتي ياعالم
اسف يافندم مينفعش وكل سنه وحضرتك طيبه
هزيت راسي بحزن وخرجت من المكان وانا بحاول إداري دموعي
كنت بعيط بحرقه اللي يشوفني يقول عندي مېت
في الحقيقه مكنتش فاهمه ايه سبب عياطي
او يمكن فاهمه بس بحاول اكدب نفسي
اول عيد ميلادي يعدي عليا واحس اني وحيده اوي كده حتي حظي مكانش محالفني المره دي وكأن كل حاجه أصبحت ضدي !
يا انسه انتي كويسه !
هزيت راسي وانا مازلت دافنه وشي في أيدي وقولت بهمس يكاد يكون مسموع
ا احم لو محتاجه مساعده انا
خلاص بقي قولتلك شكرا
قولت جملتي بعصبيه وانا برفع راسي وببص للجهه التانيه وانا وبمسح دموعي بقوه
مكنتش حابه حد يشوفني وانا كده مبحبش احس اني ضعيفه
انا فعلا مش ضعيفه انا قويه وهعدي اليوم هعديه كأنه يوم عادي زي كل الايام
هلغي فكره أنه عيد ميلادي وهتجاوز الشرخ اللي في قلبي
طب تحبي تحضري حفله !
لفيت راسي باستغراب ولسه هتكلم
الكلام وقف وانا بقوم اقف پصدمه وبرمش عيني اكتر بذهول وبقول بهمس
يوسف اكرم !
لقيته ضحك وهو بيعدل الجاكت بتاعه بحركه غرور مصطنعه
الشهره ديه غريبه ياجدع لا اوعي تقولي انك كنتي بټعيطي عشان تتصوري معايا
بصتله وانا بضحك وبقول بحزن
كان نفسي بس الظاهر أن مليش نصيب
ضحكت جامد علي رد فعله وانا برفع عيني وببص في عينه العسلي وبقول برجاء
يعني ممكن اخد معاك صوره بما أني مش هحضر الحفله !
طبعا ممكن بس سؤال ليه مش هتحضري
اتنهدت وانا بضم شفايفي في بعض بحزن وقوه بحاول امنع نفسي اني اعيط
عشان مفيش مكان
معلش تتعوض أن شاء الله انا هاجي اسكندريه تاني
كان نفسي احضر النهارده كنت فرحانه أني هحضر حاجه تنسيني الحزن في عيد ميلادي
عيد ميلادك النهارده !
هزيت راسي بعيون مليانه دموع وهو بصلي وابتسم وهو بيقول
طب ثانيه واحده
قرب مني وانا واقفه ابصله باستغراب وفضول من عيني
لقيته بيمدلي أيده بعصير ميكس شوكولاته
ضحكت وانا ببصله وبهز راسي بعدم فهم مستنيه يشرحلي اللي بيحصل
ا احم
متابعة القراءة
